Fólkið sem safnar fjöllum

Stór hópur fólks hefur það áhuga­mál að ganga á öll þau fjöll sem tíunduð eru í bók­inni Íslensk fjöll, göngu­leiðir á 151 tind, eftir Ara Trausta Guð­munds­son og Pétur Þor­leifs­son. Bókin kom út fyrst árið 2004 en hefur síðan verið end­ur­út­gefin. Fjöllin í bók­inni eru sum  gríð­ar­lega erfið en þar er einnig að finna nokkur létt­ari.

Staðfest er að fjórir ein­stak­lingar hafa lokið við að ganga á öll þessi fjöll. Fyrstur til að klára bók­ina var Þór­hallur Ólafsson, for­stjóri Neyð­ar­lín­unnar. Sú þekkta göngu­kona, Gerður Stein­þórs­dóttir, hefur einnig lokið við öll fjöllin. Þá hafa hjónin María Berglind Þrá­ins­dóttir og Tómas Þröstur Rögn­valds­son einnig klifið alla tind­ina. Stefán Magn­ús­son leið­sögu­maður á aðeins eftir að klífa fjóra tinda til að klára bók­ina. Fleiri eru nálægt því að ljúka við bók­ina. Þónokkrir þeirra eru komnir yfir 130 fjöll.