Bjarni: Áhrifamikir kröfuhafar handvaldir til samtals

„Menn hafa tog­ast á um orða­notkun í þessum málum en nú liggur fyrir að fram fór sam­tal við kröfu­hafa,“ sagði Katrín Jak­obs­dóttir, for­maður Vinstri grænna, á Alþingi í dag þegar rætt var um stöð­ug­leika­skatt og losun gjald­eyr­is­hafta. „Það liggur fyrir að full­trúar stjórn­valda áttu sam­tal við kröfu­hafa. Þar var hlustað eftir sjón­ar­miðum kröfu­hafa og stöð­ug­leika­skil­yrðin ákveðin í kjöl­farið.“ 

Sig­mundur Davíð Gunn­laugs­son for­sæt­is­ráð­herra hefur ítrekað þrætt fyrir að við­ræður við kröfu­hafa hafi átt sér stað. Þann 23. jan­úar í fyrra birt­ist við­tal við Sigmund Davíð á Eyjunni þar sem fram kom að aldrei hefði staðið til að fara í við­ræður við kröfu­hafa. „Við erum ekki í við­ræðum við þessa kröfu­hafa og munum ekki vera það. Það mun aldrei verða,“ var haft eftir honum. Þá sagð­ist hann telja kröfu­hafa bíða eftir því að rík­is­stjórnin stigi inn í ferlið. Það myndi hins vegar ekki ger­ast: „Þetta er ekki verk­efni rík­is­stjórn­ar­innar. Eina hlut­verk rík­is­stjórn­ar­innar er að meta hvort þeir komi fram með lausn sem gerir afnám gjald­eyr­is­hafta mögu­legt.“ 

Bjarni Bene­dikts­son fjár­mála­ráð­herra lýsti því hins vegar á Alþingi í gær hvernig stjórn­völd hand­völdu áhrifa­mikla kröfu­hafa til sam­tals við sig. 

„Við höfum fengið vís­bend­ingar um að nauða­samn­ingar kunni að vera sú leið sem kröfu­hafar fall­inna fjár­mála­fyr­ir­tækja muni kjósa fremur en sú leið að fá á sig skatt­inn,“ sagði hann og bætti við: „En við skulum hafa í huga í því sam­bandi að þar eru ekki kröfu­hafar að tala í krafti atkvæða­greiðslu en þó er þar um að ræða hóp kröfu­hafa í hverju slita­búi fyrir sig sem stjórn­völd hand­völdu eig­in­lega til sam­tals um þessi mál vegna þess að fyrir lá að þeir færu með áhrifa­mik­inn hlut í hverju búi um sig.“ 

Tafðist um ár
Í nýlegri skýrslu hag­fræð­ing­anna Ásgeirs Jóns­sonar og Hersis Sig­ur­geirs­sonar, sem unnin var að beiðni slita­stjórnar Glitnis, kemur fram