Svona fjölgaði smitum á einni viku: 1, 2, 3, 7, 15, 22, 23, 74

Staðan á far­aldr­inum á Ísland er alveg ágæt, sér­stak­lega ef við horfum til land­anna í kringum okkur, sagði Rögn­valdur Ólafsson, aðstoð­ar­yf­ir­lög­reglu­þjónn á upp­lýs­inga­fundi almanna­varna í dag. „Það er ástæða til að gleðj­ast yfir því og njóta þess skjóls sem við verum í þessa dag­ana. En á sama tíma er gott að hafa í huga að þessi staða er við­kvæm, hún getur breyst hratt.“

Hann rifj­aði svo upp hver staðan á far­aldr­inum var í sept­em­ber. „Ef við skoðun 11. til 18. sept­em­ber þá vorum við fyrst með eitt til­felli, tvö, þrjú, sjö, fimmtán, 22, 23 og 74. Á þessu sjö daga tíma­bili förum við úr einu til­felli á dag og endum í 74. Þannig að þetta er mjög hratt að ger­ast.“

[adspot]

Rögn­valdur rifj­aði einnig upp orð Þórólfs Guðna­sonar sótt­varna­læknis um að aðeins eitt smit þurfti til að koma stórri bylgju af stað. „Það er því engin ástæða til að slaka á gagn­vart COVID eða setja smit­varnir og ábyrga hegðun í annað sætið.“

[links]Rögn­valdur seg­ist sjá vís­bend­ingar um að fólk sé farið að slaka aðeins meira á en til­efni sé til, fleiri séu að hitt­ast og í stærri hópum. „Í því sam­hengi er gott að hugsa núna: Hvað ætlið þið að gera um helg­ina? Passar það við það sem við erum að reyna að gera?“

Hann sagði gott að spyrja sjálfan sig: „Hvað get ég sagt í fram­tíð­inni þegar ég fæ spurn­inga um hvað ég lagði að mörkum þegar COVID-far­ald­ur­inn gekk yfir? Get ég verið stolt af mínu fram­lagi eða var ég að þvæl­ast fyrir?“

Sýnatökukallinu svarað

Almenn­ingur hefur svarað kalli yfir­valda um að fara í sýna­töku ef minnstu ein­kenni finn­ast eftir að lægð varð í þeim fyrir nokkrum dögum. Fleiri sýni hafa því verið tekin síð­ustu daga en dag­ana á undan.

Þó að alvar­legur tónn hafi verið hjá Rögn­valdi og Þórólfi á fundi dags­ins ítrek­aði sá fyrr­nefndi að ástæða væri til að gleðj­ast yfir stöð­unni. „En það það þýðir þó ekki að við ætlum að vera með 100 manna partí.“

Hann ítrek­aði svo skila­boð sótt­varna­yf­ir­valda og almanna­varna: „Ekki slaka á, þetta er ekki búið. Þetta getur breyst mjög hratt. Förum í sýna­töku ef við finnum fyrir ein­kennum. Höldum hópa­myndun í lág­marki. Þannig getum við klárað þetta saman.“