Einn mótmælandi var handtekinn í boðaðri „byltingu“ og „uppreisn“ gegn ríkisstjórninni á Austurvelli í dag.
Fjölgað var í lögregluliðinu við Alþingishúsið eftir atvikið og voru nálægt þrjátíu lögreglumenn á verði við löggjafarsamkomuna eftir áhlaup mannsins.
Umdeilt er hversu margir mótmælendur voru á vettvangi í dag. Rúv greinir frá því að þeir hafi verið nokkur hundruð, en úr röðum mótmælenda er fullyrt að þúsundir hafi verið á Austurvelli.
Austurvöllur today, post-demonstration. The people are angry.
Posted by The Iceland Weather Report on Tuesday, May 26, 2015
Í ræðum á mótmælunum var meðal annars farið fram á þjóðnýtingu kvótans, meiri áherslu á fólk en auðvald og að ríkisstjórn Sigmundar Davíðs Gunnlaugssonar hyrfi frá völdum. Þeir sem sóttu mótmælin tilgreindu mismunandi ástæður fyrir því á Facebook. Flestir nefndu spillingu og makrílfrumvarp, sem stefnir í að úthluta tugum milljarða af fiskveiðiauðlindinni til fárra aðila.
Meðal þeirra sem komu fram á mótmælunum í dag voru þau KK, Valdimar, Jónína Björg Magnúsdóttir, auk þess sem Bragi Páll Sigurðarson rithöfundur og Sigríður Bylgja Sigurjónsdóttir fluttu ræður. Meira um mótmælin hér.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir