Veiðiþjófaeftirlitsflokkurinn Svörtu eiturslöngurnar (e. Black Mambas) hefur hlotið viðurkenningu umhverfismálastofunnar Sameinuðu þjóðanna (UNEP) fyrir baráttu sína gegn veiðiþjófnaði í Balule þjóðgarðinum í Suður-Afríku. Hópurinn, sem er að mestu skipaður konum, hefur handtekið sex veiðiþjófa, lokað fimm tjaldbúðum þeirra og fækkað tilvikum þar sem dýr eru veidd í snörur um 76 prósent.
Það kom því ekki á óvart þegar hópurinn, skipaður er 26 konum, hlaut helstu viðurkenningu UNEP sem á ensku kallast Champions of the Earth. Þjóðgarðurinn sem þær vakta er á tveggja milljón hektara svæði nyrst í Suður-Afríku. Hópurinn var stofnaður árið 2013 og hefur haft áhrif til góðs á dýralíf í þjóðgarðinum sem er heimili margra af sjaldgæfustu dýrategundum í heimi.
Svörtu eiturslöngurnar sinna eftirlitinu fótgangandi um garðinn í þrjár vikur í senn og ganga nærri 20 kílómetra á dag til að hafa hendur í hári veiðiþjófa sem áseilast nashyrninga, antilópur, blettatígra, ljón, fíla og fleiri dýr. Það orðspor fer af Eiturslöngunum að þær þekki þjóðgarðinn svo vel að hreyfing minnstu steinvölu komi þeim á spor veiðiþjófa.
[caption id="attachment_38816" align="alignnone" width="960"] Þjóðgarðurinn er gríðarlega stór og er heimili margra dýrategunda á barmi útrýmingar.[/caption]
„Verkefni sem verða til með samfélagsátaki eru mikilvæg til þess að berjast gegn ólöglegri verslun með villidýraafurðir. Svörtu eiturslöngurnar hafa undirsrikað mikilvægi þessa og sýnt fram á gildi þekkingar íbúa í þessum aðstæðum,“ lætur Achim Steiner, framkvæmdastjóri UNEP, hafa eftir sér á vef Sameinuðu þjóðanna.
Verndun nashyrninga er sérstaklega mikilvæg í Suður-Afríku en þar voru 1.215 nashyrningar drepnir árið 2014. Það er 12000 prósenta aukning á tíu árum eða síðan 2004. Sameinuðu þjóðirnar lýsa þessu sem hryllilegum faraldri sem hefur orðið til þess að kyn nashyrninga er í útrýmingarhættu. „Með hverjum nashyrningi sem þær bjarga er sýnt fram á hversu mikilvægt framtak heimamanna er til að viðhalda sjálfbærni náttúrunnar.
„Ef þú sérð veiðiþjófana þá segir maður þeim að sleppa því að reyna; segir þeim að við séum hér og að þeir séu í hinni raunverulegu hættu,“ segir Leita Mkhabela, meðlimur í Svörtu eiturlöngunum. „Ég er ekki hrædd því að ég veit hvað ég er að gera og hvers vegna ég er að því.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir