Guðlaugur Þór Þórðarson utanríkisráðherra er efstur eftir í prófkjöri Sjálfstæðisflokksins í Reykjavík í þriðju tölum úr prófkjörinu. Búið er að telja 5.973 atkvæði af um 7.500. Næstu tölur verða lokatölur. Áslaug Arna Sigurbjörnsdóttir dómsmálaráðherra er í öðru sæti. Alls munar 168 atkvæðum á ráðherrunum tveimur sem sækjast eftir efsta sætinu á lista flokksins.
Í þriðja sæti er Diljá Mist Einarsdóttir, aðstoðarmaður Guðlaugs Þórs, og sú vending hefur orðið að Hildur Sverrisdóttir, sem er aðstoðarmaður Þórdísar Kolbrúnar Reykfjörð Gylfadóttur og varaþingmaður, er nú í fjórða sæti. Í fimmta sæti er Birgir Ármannsson, þingflokksformaður Sjálfstæðisflokksins.
[adspot]Tveir sitjandi þingmenn flokksins eru langt frá því að ná þeim árangri sem þeir stefndu að í prófkjörinu. Brynjar Níelsson er sem stendur í sjötta sæti og Sigríður Andersen, fyrrverandi dómsmálaráðherra, stefnir í afhroð og er í níunda sæti. Á milli þeirra eru Kjartan Magnússon, fyrrverandi borgarfulltrúi, og Friðjón Friðjónsson almannatengill.
Sjálfstæðisflokkurinn er sem stendur með fimm þingmenn samanlagt í báðum Reykjavíkurkjördæmunum. Samkvæmt nýjustu könnunum getur flokkurinn vænst þess að ná fjórum til fimm þingmönnum inn í kjördæmum höfuðborgarinnar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir