Árið 2019 dvöldu 144 konur og 100 börn í Kvennaathvarfinu. Konur dvöldu í athvarfinu frá einum degi upp í 236 daga, að meðaltali í 30 daga. Börn dvöldu í athvarfinu í frá einum degi upp í 155 daga, að meðaltali í 39 daga. Að meðaltali dvöldu 23 íbúar í athvarfinu á dag, 12 konur og 11 börn.
Þetta kemur fram í tölum frá Kvennaathvarfinu fyrir árið 2019.
Að auki komu 294 konur í samtals 545 viðtöl án þess að til dvalar kæmi. Samtals komu því 438 konur í athvarfið í viðtöl eða dvöl á árinu. Til viðbótar hittu ráðgjafar athvarfsins 214 einstaklinga í viðtölum í Bjarkarhlíð, miðstöð fyrir þolendur ofbeldis.
27 prósent barnanna höfðu fengið aðstoð
Í tilkynningu frá Kvennaathvarfinu kemur fram að aldrei hafi fleiri konur nefnt ofbeldi gegn börnum sem ástæðu komu í athvarfið. Þá hafi komið fram í svörum kvennanna að alls búi 349 börn undir 18 ára að aldri á ofbeldisheimilunum sem þær koma af.
Einungis 27 prósent barnanna höfðu fengið einhverja aðstoð vegna þess ofbeldis sem barnið bjó við á heimili sínu en 44 prósent kvennanna sögðu að barnavernd hefði verið tilkynnt um ofbeldið. Alls voru 12 prósent kvennanna með líkamlega áverka við fyrstu komu í athvarfið, eða 23 prósent dvalarkvenna og 6 prósent kvenna í viðtölum, en rúmlega helmingur sögðu frá því að hafa einhvern tíma hlotið líkamlega áverka í sambandinu.
Yfir helmingur óttaðist um líf sitt
Þá sögðust 54 prósent hafa óttast um líf sitt í sambandinu, 42 prósent sögðu lögreglu hafa komið á vettvang ofbeldisins í eitt eða fleiri skipti og 15 prósent kært ofbeldið til lögreglu.
Meirihluti, eða 60 prósent, þeirra mála var enn í vinnslu en dómur hafði fallið í 5 prósent málanna, 16 prósent kærðra mála hafði verið verið felld niður, 5 prósent höfðu fengið nálgunarbann og 5 prósent neyðarhnapp.
Í heildina voru 67 prósent kvenna sem komu í Kvennaathvarfið á árinu íslenskar, eða 74 prósent þeirra sem komu í viðtöl og 51 prósent dvalarkvenna, og voru 74 prósent kvennanna af höfuðborgarsvæðinu. Konurnar voru á aldrinum 18 til 81 árs en börnin frá nokkurra daga gömlum upp í 16 ára.
Fram kemur hjá Kvennaathvarfinu að í 95 prósent tilvika hafi sá sem beitti ofbeldi verið karlmaður, 72 prósent af íslenskum uppruna og á aldrinum 18 til 83 ára.
Hér að neðan má sjá myndband sem Kvennaathvarfið lét gera árið 2016 en því er ætlað að vera fræðslumyndband fyrir börn um heimilisofbeldi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Metoo
Brotaþolinn tekur skellinn
10 mín. lestur
Ósmekklegt bréf frá eiganda sem áreitti hana
12 mín. lestur
Fyrir hönd Öfga: Hulda Hrund Guðrúnar Sigmundsdóttir og Tanja M. Ísfjörð
Öfga uppgjör
Hrafnhildur Sigmarsdóttir
Hátíðarhugvekja: Heimilisofbeldi um jólin og gerendameðvirkni í lok árs
Stjórn Ferðafélags Íslands hafnar lýsingum fráfarandi forseta
Athugasemdir