Albanska konan hefur ekkert sofið og samdrættir komnir af stað

Ferðalag óléttu albönsku kon­unnar sem vísað var úr landi, var vanda­mál að mati lækna hennar í Albaníu. Hún hefur ekk­ert sofið í marga sól­ar­hringa og var í áhættu­hópi vegna fyrri fæð­ingar. Eig­in­maður hennar hefur veru­legar áhyggjur og spyr hvar ábyrgðin liggi?

Á spítala
Á spít­ala Konan er nú á sjúkra­húsi í Albaníu og sam­drættir komnir af stað.

Albanska konan sem send var úr landi gengin 37 vikur á leið er komin á sjúkra­hús í Albaníu og farin að finna fyrir sam­dráttum. Ferðin var vanda­mál, að mati lækna, segir aðgerð­ar­sinni sem hefur verið í sam­skiptum við hana.

„Hver ætlar að bera ábyrgð á því hvernig er komið fyrir konu minni og barni?“ spurði eig­in­maður kon­unnar þegar Stundin náði stutt­lega tali af honum. Hann var staddur á spít­al­anum og sagð­ist hafa veru­lega áhyggjur af konu sinni og ófæddu barni og bætti við að hið langa ferða­lag hefði verið henni veru­lega erfitt. Þá sagði hann dreng­inn þeirra, sem er tveggja ára, vera mjög ringlaðan og þreyttan eftir það sem á undan er gengið. „Hann er mjög þreyttur og borðar ekk­ert.“

„Ég hef verið í sam­bandi við hana í dag,“ segir Morgane Priet Maheo úr sam­tök­unum Réttur barna á flótta. „Hún sendi mér fyrst að henni væri ekki að líða vel og hún ætl­aði til læknis. Núna er hún á sjúkra­húsi. Þeir halda að hún sé að fara af stað. Hún þurfti keis­ara­skurð 36 vikna ólétt við síð­asta barn, þannig að það sé stór hætta á að hún sé að fara af stað. Ferðin var vanda­mál, sagði hún, að mati lækn­is­ins. Hún var í áhættu­hópi út af keis­ara­skurð­inum.“

Morgane segir kon­una hafa beðið um aðstoð flug­freyju í flug­inu frá Íslandi en lög­reglan hafi vaktað fjöl­skyld­una stíft. „Lög­reglan tók sím­ann af þeim þangað til þau komu til Albaníu,“ segir Morgane. „Þegar lög­reglan kom klukkan sex vissi hún ekki að hún þyrfti að fara þannig að hún svaf ekk­ert í raun­inni í marga sól­ar­hringa.“

Samtökin Réttur barna á flótta birtu færslu um málið í dag. „Við vorum að fá fréttir frá óléttu kon­unni sem var send úr landi í gær þrátt fyrir vott­orð frá kven­sjúk­dóma­lækni sem mælti á móti því,“ segir í færsl­unni. „Vegna langs og þreyt­andi ferða­lags er hún núna í skoðun með mikla sam­drætti og á í hættu á að fara af stað. Við erum með mynd af vott­orði frá læknum sem sáu um hana og hún verður nú flutt á annan spít­ala þar sem verið er að und­ir­búa fæð­ingu fyr­ir­bura. Þar sem hennar fyrri fæð­ing var með keis­ara fannst lækn­unum mik­il­vægt að færa hana yfir á aðra stofnun. Ekki er víst að hún fari af stað í fæð­ingu en þar sem sam­drættir eru svo sterkir er við­bún­að­ur­inn mik­ill. Það eina sem við getum gert er að bíða og vona það besta.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár