Dagur og Kristrún halda að sér spilunum

Logi Ein­ars­son, for­maður Sam­fylk­ing­ar­innar, til­kynnti um fyr­ir­hugað brott­hvarf sitt úr for­manns­stólnum í við­tali við Frétta­blaðið í gær. Fjöl­margir hafa brugð­ist við til­kynn­ingu Loga, einkum úr röðum sam­flokks­fólks hans sem hefur þakkað honum góð störf sem for­maður flokks­ins og margir óska þess að hann hverfi þó ekki alfarið úr stjórn­málum.

[links]Í við­tal­inu sagð­ist Logi vera að axla ábyrgð á slæ­legu gengi flokks­ins í síð­ustu þing­kosn­ingum. Hann væri sann­færður um að aðrir gætu gert betur en hann. Þá liggur ljóst fyrir að formans­skipti verða innan Sam­fylk­ing­ar­innar í haust, en þar þykja þau Dagur B. Egg­erts­son borg­ar­stjóri og Kristrún Frosta­dóttir, þing­maður Sam­fylk­ing­ar­innar, lík­leg­ust til að verða arf­takar Loga. Bæði hafa þau tjáð sig um til­kynn­ingu Loga með færslu á Facebook, en hvor­ugt þeirra gefur nokkuð upp um áform sín, hvort heldur af eða á, er varðar fram­haldið.

Lík­leg­ast er að stjórn­mála­menn­irnir tveir ráði nú ráðum sínum er varðar fram­haldið, en hvor­ugt þeirra hefur veitt fjöl­miðlum við­tal síðan Logi til­kynnti um að arf­taki hans yrði val­inn í haust.

[adspot]Dagur hefur verið einn far­sæl­asti stjórn­mála­maður Sam­fylk­ing­ar­innar og setið í borg­ar­stjórn í Reykja­vík í 20 ár og verið borg­ar­stjóri í 8, en borg­ar­stjóra­tíð hans er senn á enda þegar Einar Þor­steins­son, odd­viti Fram­sókn­ar­flokks­ins í Reykja­vík og sam­starfs­maður Dags í nýjum meiri­hluta borg­ar­stjórnar í kjöl­far sveit­ar­stjórn­ar­kosn­ing­anna sem fram fóru í maí, tekur við sæt­inu.

Kristrún er hins vegar nýliði í póli­tík og gekk í Sam­fylk­ing­una árið 2020 en vakti mikla athygli fyrir sterka fram­komu er hún leiddi lista flokks­ins í Reykja­vík­ur­kjör­dæmi suður í Alþing­is­kosn­ing­unum á síð­asta ári. Ljóst er að Kristrún hefur nokkurn með­byr innan flokks­ins en ekki liggur fyrir hvort hún sé strax farin að eygja for­manns­stól­inn.