Guðmundur Árni leiðir hjá Samfylkingunni í Hafnarfirði

Guð­mundur Árni Stef­áns­son, fyrr­ver­andi bæj­ar­stjóri Hafn­ar­fjarðar, mun leiða lista Sam­fylk­ing­ar­innar í sveit­ar­fé­lag­inu í kom­andi sveit­ar­stjórn­ar­kosn­ingum. Hann sigr­aði í flokksvali flokks­ins í dag með yfir­burðum. Alls fékk Guð­mundur Árni 537 atkvæði í fyrsta sæti list­ans, en alls greiddu 962 atkvæði. Í öðru sæti var Sigrún Sverr­is­dóttir með 290 atkvæði í fyrsta til annað sætið og Árni Rúnar Þor­valds­son, sem sótt­ist einnig eftir odd­vita­sæt­inu, varð í þriðja sti með 485 atkvæði í fyrsta til þriðja sætið.

Hildur Rós Guð­bjargs­dóttir varð í fjórða sæti, Stefán Már Gunn­laugs­son í þvi fimmta og Kolbrún Magn­ús­dóttir í sjötta. Kosn­ingar í sex efstu sætin eru bind­andi. Sam­fylk­ingin er sem stendur í minni­hluta í Hafn­ar­firði þar sem meiri­hluti Sjálf­stæð­is­flokks og Fram­sókn­ar­flokks ræður ríkjum.

[adspot]Guð­mundur Árni til­kynnti nokkuð óvænt um end­ur­komu sína í stjórn­mál fyrir um mán­uði síðan. Í stöðu­upp­færslu á Facebook sagð­ist hann vera viss um að Sam­fylk­ingin geti orðið stærsti flokkur bæj­ar­ins. „Fái ég stuðn­ing flokks­fé­laga minna í próf­kjör­inu, þá stefni ég óhikað að því að Sam­fylk­ing vinni góðan sigur í bæj­ar­stjórn­ar­kosn­ingum í maí og tvö­faldi bæj­ar­full­trúa­tölu sína, þ.e. úr tveimur í fjóra. Og að afloknum kosn­ingum geti Sam­fylk­ingin í góðu sam­starfi við aðra flokka tekið við for­ystu um stjórn bæj­ar­ins.“

Guð­mundur Árni, sem verður 67 ára í haust, hefur áður verið leið­andi afl í bæj­ar­stjórn­arpóli­tík í Hafn­ar­firði. Hann sat í bæj­ar­stjórn í tólf ár á síð­ustu öld, þar af sem bæj­ar­stjóri í sjö. Guð­mundur Árni steig upp úr þeim stóli 1993, fyrir 29 árum síð­an, og sett­ist á þing í kjöl­farið fyrir Alþýðu­flokk­inn.