Donald Trump, forseti Bandaríkjanna, er ánægður með vinnu við nýjan fríverslunarsamning við Bretland sem á að taka við eftir Brexit. Trump fjallaði um þetta á Twitter en var gagnrýninn á Evrópusambandið um leið.
„Við vinnum að stórum verslunarsamningi við Bretland. Gæti orðið mjög stór og spennandi. STÖRF! ESB er mjög verndartollasinnað við BNA. HÆTTIÐ!“ skrifaði Trump á Twitter, í lauslegri þýðingu.
Fulltrúar Hvíta hússins og viðskiptaráðuneytis Bandaríkjanna vildu ekki svara spurningum fréttaveitunnar Reuters um málið þegar eftir því var leitað.
Fyrr í þessum mánuði ákvað Trump að tryggja fljóta vinnu við nýjan fríverslunarsamning milli Bandaríkjanna og Bretlands, jafnvel þó breskir ráðamenn hafi verið efins um að slíkt væri mögulegt.
[adspot]
Á fundi G20-ríkjanna í Hamburg í Þýskalandi fyrr í júlí ræddi Trump við Theresu May, forsætisráðherra Bretlands. Þar sagði hann tvíhliða samningi sem „mjög, mjög mikilvægu máli“ og sagði mjög sterkan samning verða frábæran fyrir bæði ríki.
[links]Í kjölfar Brexit mun Bretland þurfa að semja um niðurfellingu tolla og viðskipti við önnur ríki á nýjan leik. Hversu umfangsmikil sú vinna þarf að vera á eftir að koma í ljós, en enn hefur ekki verið ákveðið (í það minnsta opinberlega) hversu mikill aðskilnaður Bretlands og Evrópusambandsins verður.
Brexit – Bretland gengur úr Evrópusambandinu – mun verða í mars 2019, tveimur árum eftir að May virkjaði fimmtu grein Lisbon-sáttmálans sem fjallar um úrsögn úr Evrópusamstarfinu. Brexit mun verða jafnvel þó ekki hafi verið samið um hvernig samskiptum Bretlands og ESB verði háttað til framtíðar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir