Mesti flóttamannavandi síðan í seinni heimstyrjöld - flókin mál útskýrð á einfaldan hátt

Þýska fyr­ir­tækið Kurzgesagt - In a nuts­hell hefur síðan 2013 fram­leitt sjón­rænar skýr­ingar á heims­mál­unum og vís­inda­legum fyr­ir­brigðum og dreift á YouTube. Í vik­unni birti fyr­ir­tækið svo frétta­skýr­ingu um flótta­manna­straum­inn til Evrópu þar sem fjöldi flótta­manna þar er settur í sam­hengi við þann fjölda sem nú flýr átökin í Sýrlandi.

Kjarninn hefur fjallað um þennan mikla flótta­manna­vanda í Evrópu sem þegar er orð­inn sá mesti síðan í seinni heim­styrj­öld­inni. Evr­ópu­lönd hafa átt erfitt með að koma sér saman um stefnu í mál­efnum þessa fólks sem leitar hælis frá heima­land­inu sem er í rúst. Neyð­ar­hróp hafa borist frá syðri landamæra­ríkjum Evr­ópu­sam­bands­ins (ESB) til ann­ara ríkja í álf­unni enda sjá þau sér ekki fært að veita öllu því fólki sem þangað kemur hæli.

Flóttamannavandinn í Evrópu útskýrður

Hönn­un­ar­stúd­íóið Kurzgesagt var stofnað árið 2013 af Pilipp Dettmer og Stephan Rether með það að mark­miði að útskýra flókin mál­efni á ein­faldan hátt í stuttum mynd­skeiðum. Á vef­síðu þeirra kurzgesagt.org segj­ast þeir „elska vís­indi, minimal­isma, liti og tón­list“ og þá helst þegar þessu er öllu steypt saman í frá­sögn.

Auðvelt er að týna sér á YouTube-rás fyr­ir­tæk­is­ins þar sem finna má fjölda mynd­banda sem útskýra furðulueg­ustu hluti alheims­ins; hvernig þver­sögn Fermis virkar eða misl­inga, hve veiga­mikil er mannsævi í sam­hengi við sögu mann­kyns og rökin með og á móti kjarn­orku útskýrð.

Hér að neðan má sjá nokkur af mynd­böndum Kurzgesagt. Öll mynd­böndin eru á ensku og hægt að horfa á þau með enskum texta.

Eru stríð úr sögunni?

Írak útskýrt — ISIS, Sýrland og stríð

Kjarnorka útskýrð: Hvernig virkar hún?

Þrjár ástæður hvers vegna kjarnorka er skelfileg

Þrjár ástæður hvers vegna kjarnorka er frábær

Golfstraumurinn útskýrður

Bankastarfsemi útskýrð