Neita að tjá sig um samskiptin við Hacking Team en ætla að „leiðrétta þarna misskilning“

Gunnar Rúnar Svein­björns­son, kynn­ing­ar­full­trúi lög­regl­unnar á höf­uð­borg­ar­svæð­inu, vill ekki tjá sig um sam­skipti Ragnars H. Ragn­ars­sonar, rann­sókn­ar­lög­reglu­manns hjá tölvu­rann­sókna- og raf­einda­deild lög­regl­unnar, við ítalska fyr­ir­tækið Hacking Team árið 2011 í sam­tali við Stundina. Wikileaks afhjúpaði fjölda tölvu­pósta frá fyr­ir­tæk­inu í gær og má þar meðal ann­ars sjá sam­skipti lög­reglu­manns­ins við starfs­mann Hacking Team. Stundin greindi frá mál­inu í gær. Fyr­ir­tækið selur stjórn­völdum um allan heim umdeilda tækni sem gerir þeim kleift að njósna um sam­skipti fólks í gegnum snjall­síma og tölvur. Sem fyrr segir vill Gunnar Rúnar ekki tjá sig um sam­skipti Ragnars við fyr­ir­tækið en segir í sam­tali við Stundina að von sé á frétta­til­kynn­ingu um málið.