Haraldur Benediktsson, oddviti Sjálfstæðisflokks í Norðvesturkjördæmi, ætlar ekki að þiggja annað sæti á lista flokksins fari svo að hann tapi oddvitaslag í prófkjöri flokksins í kjördæminu um komandi helgi.
Frá þessu greinir hann í viðtali við Bæjarins besta í dag.
Þar segir hann að feli flokksmenn öðrum oddvitahlutverki sé það skýr niðurstaða. „Það getur ekki verið gott fyrir nýjan oddvita að hafa þann gamla í aftursætinu.“
[adspot]Haraldur leiddi lista flokksins í kjördæminu til síðustu kosninga, en í 2. sæti listans var Þórdís Kolbrún R. Gylfadóttir. Ýmislegt er hins vegar breytt síðan árið 2017.
Þórdís Kolbrún hefur verið ráðherra síðan þá og var sömuleiðis kjörin varaformaður Sjálfstæðisflokksins árið 2018.
Hún gaf það strax síðasta haust að hún ætlaði ekki að færa sig yfir í annað kjördæmi og síðar að hún sæktist eftir efsta sæti listans.
Það ætlar Haraldur þó ekki að láta af hendi þegjandi og hljóðalaust, en hann gaf það út strax í febrúar að hann myndi sækjast eftir trausti flokksmanna í kjördæminu til þess að leiða listann áfram.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir