„Ríkisstjórn Íslands fallin vegna nýjasta hneykslismálsins.“
„Ríkisstjórn Íslands í uppnámi eftir að samstarfsflokkur hættir.“
„Ríkisstjórn Íslands riðar til falls vegna hneykslismáls.“
Þetta eru dæmi um fyrirsagnir sem birst hafa í erlendum fjölmiðlum í morgun eftir að Björt framtíð sleit ríkisstjórnarsamstarfinu við Sjálfstæðisflokkinn og Viðreisn. Ástæðan sem Björt framtíð gefur er trúnaðarbrestur í máli Hjalta Sigurjóns Haukssonar, manns sem dæmdur var árið 2004 fyrir að brjóta gegn stjúpdóttur sinni nær daglega í tólf ár. Faðir forsætisráðherra veitti Hjalta meðmæli þegar hann sótti um og fékk uppreist æru, en því var haldið leyndu fyrir almenningi, Alþingi og samstarfsflokkum sjálfstæðismanna í ríkisstjórn.
Á vefsíðu Breska ríkisútvarpsins, BBC, er slegið upp: „Ríkisstjórn Íslands fallin vegna barnaníðingsfárs“.
Í fréttinni kemur fram að uppþot vegna tengsla barnaníðings við Bjarna Benediktsson forsætisráðherra hafi orðið til þess að ríkisstjórn Íslands féll.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.


















































Athugasemdir