Borgarleikhúsið á að greiða Atla Rafni 6,5 milljónir

Atli Rafn Sig­urð­ar­son, leik­ari sem var sagt upp störfum hjá Borg­ar­leik­hús­inu vegna meintrar kyn­ferð­is­legrar áreitni, fær 5,5 millj­ónir króna í bætur og eina milljón króna í máls­kostnað vegna máls­ins, sam­kvæmt dómi Hér­aðs­dóms Reykja­víkur sem kveð­inn var upp í dag. Frétta­blaðið greinir frá.

Atla Rafni var sagt upp í des­em­ber 2017 vegna ásak­ana sem settar höfðu verið fram af fjórum þáver­andi starfs­mönnum Borg­ar­leik­húss­ins um kyn­ferð­is­lega áreitni. Atli Rafn fékk ekki nán­ari upp­lýs­ingar um ásak­an­irnar né hverjir hefðu sett þær fram. [adspot]Hann ákvað í kjöl­farið að stefna Kristínu Eyþórs­dóttur borg­ar­leik­hús­stjóra og Leik­fé­lagi Reykja­víkur, sem rekur Borg­ar­leik­húsið, vegna upp­sagn­ar­innar og fór fram á að verða greiddar tíu millj­ónir í skaða­bætur og þrjár í miska­bætur vegna upp­sagn­ar­innar. Hann bar fyrir sig æru­missi sem hafi leitt til þess að hann hafi misst fjölda verk­taka­verk­efna við upp­sögn­ina en hann hóf síðan aftur störf við Þjóð­leik­hús­ið, þar sem hann hefur verið fast­ráð­inn.

Dómurinn hefur ekki verið birtur á vef Hér­aðs­dóms Reykja­víkur.

Stjórn Leik­fé­lags Reykja­víkur segir í sam­þykkt að óvissa ríki um túlkun laga sem tryggja eigi vellíðan og öryggi starfs­fólks eftir dóm Hér­aðs­dóms Reykja­víkur í mál­inu. Til skoð­unar sé að áfrýja dóm­inum til Lands­réttar.

Auður Jóns­dóttir rit­höf­undur var við­stödd aðal­með­ferð máls­ins í lok sept­em­ber og skrif­aði um það álits­grein sem birt­ist í Kjarn­anum. Hana er hægt að lesa hér.