Segir Vilhjálm vera „hjárænulegan Sjálfstæðisþingmann“ í vandræðum með sjálfsmynd sína

Þor­steinn Sæmunds­son, þing­maður Fram­sókn­ar­flokks­ins, kallar Vilhjálm Bjarna­son, þing­mann Sjálf­stæð­is­flokks­ins, „hjá­rænu­legan Sjálf­stæð­is­þing­mann sem er í vand­ræðum með sjálfs­mynd sína“ og segir það tíð­indi að Sjálf­stæð­is­þing­maður láti vinstrið „siga sér eins og rakka vegna ein­hverrar minni­mátta­kenndar“. Þetta kemur fram í grein sem Þor­steinn birtir á Vísi í dag.

Tilefni skrifa hans er umræða um aflandseignir eig­in­konu Sig­mundar Davíðs Gunn­laugs­sonar for­sæt­is­ráð­herra og þá stað­reynd að hún á kröfur í slitabú föllnu bank­anna upp á rúman hálfan millj­arð króna. Þor­steinn segir ófræg­ing­ar­menn ekki þola að Sig­mundur Davíð hafi alla kosti sem þá skortir. Hann eigi fram­sýni, kjark og dug. Nið­ur­rifið og hæl­bitin efli hins vegar Sigmund Davíð í hverri raun. Ógæfu­fólk í póli­tík þurfi þó að gaum­gæfa fram­göngu sína.

Vil­hjálmur var gestur í Viku­lok­unum á Rás 1 á laug­ar­dag. Þar sagði hann það vera mjög óþægi­legt fyrir Sjálf­stæð­is­flokk­inn að standa and­spænis mál­inu. Sig­mundur Davíð hafi setið beggja vegna borðs­ins í tengslum við vinnu við upp­gjör föllnu bank­anna. „Það er eins og menn skilji ekki van­hæfi og hags­muna­tengsl,“ sagði hann. Í ýmsum málum sé hangið á forms­at­riðum eins og að lög hafi ekki verið brotin. Alltaf eigi að upp­lýsa um hags­muna­tengsl. „Auðvitað rýrir þetta traust mitt á hinum flokknum í þessu sam­starfi.“

Forsætisráðherra hefur alla kosti sem hælbítanna skortir

Þor­steini blöskrar umræðan sem nú fer fram um eignir eig­in­konu for­sæt­is­ráð­herra og segir hana vera nýjum í íslenskri stjórn­mála­um­ræðu. „Í þrjú ár hafa nokkrir stjórn­mála­menn sem voru til í að leggja klyfjar á íslenska þjóð til fram­búðar lagt sig fram um að ófrægja for­sæt­is­ráð­herra sem leiddi flokk sinn til sig­urs á grund­velli lof­orða sem síðan hafa verið efnd hvert af öðru.

M.a. kom for­sæt­is­ráð­herra ekki bara í veg fyrir að klyfjar ófræg­ing­ar­manna yrðu lagðir á þjóð­ina heldur leystu stöð­ug­leika­samn­ingar svo vel að eftir er tekið. Reyndar svo vel að Ísland hefur ekki staðið jafn­vel síðan á síld­ar­ár­unum upp úr miðri síð­ustu öld.[...] Ófræg­ing­ar­mönnum virð­ast sárna þessi stað­reynd kannski vegna þess að þeir höfðu ekki kjark og þor til að ráð­ast til atlögu við kröfu­hafa. Ófræg­ing­ar­menn­irnir þola ekki að for­sæt­is­ráð­herra á alla kosti sem þá skortir. Hann á fram­sýni kjark og dug sem þeir eiga ekki. Þess vegna hefur þetta ógæfu­fólk ham­ast á for­sæt­is­ráð­herra hvern dag í þrjú ár en auð­vitað án árang­urs því nið­ur­rifið og hæl­bitin efla Sigmund Davíð í hverri raun. Hvað tekur ófræg­ing­ar­liðið þá til bragðs? Jú, það skrifar nýjan kafla í lág­kúru­um­ræðu sinni með því að beina spjótum sínum að eig­in­konu for­sæt­is­ráð­herra vegna þess að hún á eignir. Og hvað hald­iði nema þau fái ekki í lið með sér hjá­rænu­legan Sjálf­stæð­is­þing­mann sem er í vand­ræðum með sjálfs­mynd sína. Það eru tíð­indi að Sjálf­stæð­is­þing­maður láti vinstrið siga sér eins og rakka vegna ein­hverrar minni­mátta­kenndar.“

Ógæfufólk í pólitík þarf að gaumgæfa sig

Þor­steinn segir að end­ingu að það sé alþekkt að eig­in­kona for­sæt­is­ráð­herra sé vel efnuð, það liggi fyrir að hún hafi greitt skatta á Íslandi vegna eign­anna alla tíð og að hún hafi tapað eignum vegna aðgerða eig­in­manns hennar. Samt gef­ist hæl­bít­arnir ekki upp. Síðan spyr hann: „

Viljum við að íslensk stjórn­mála­um­ræða snú­ist um fjöl­skyldu­með­limi stjórn­mála­manna? Fjöl­skyldu­með­limi sem eru ekki þátt­tak­endur í stjórn­málum. Þurfa stjórn­mála­menn fram­veg­ist að gera ráð fyrir því að fjöl­skyldur þeirra verði fyrir áreiti og dylgjum vegna þess a

ð mak­inn er í póli­tík? Mitt svar er nei. Til þess að svo megi verða þarf ógæfu­fólkið í póli­tík að gaum­gæfa vel fram­göngu sína."