Sjálfstæðisflokkurinn mælist stærsti flokkurinn í Reykjavík í nýjum Borgarvita Maskínu. Samfylkingin er næst stærst og mælist enn yfir kjörfylgi, en fylgið hefur dalað frá því í sumar.
Samkvæmt niðurstöðunum, sem greint var frá í kvöldfréttum Sýnar, mælist Viðreisn með 11,9 prósent, Miðflokkur 8,5 prósent og Píratar 6,4 prósent og Sósíalistaflokkurinn 5 prósent. Framsóknarflokkur og Vinstri græn mælast með 4,4 og 4,2 prósent.
Fylgi við Flokk fólksins hrynur niður í 2,6 prósent.
Samanlagt fylgi flokkanna sem mynda meirihluta í borginni er 43,5 prósent. Minnihlutinn mælist með 47,3 prósent en Miðflokkurinn, sem stendur utan borgarstjórnar, mælist í áðurnefndum 8,5 prósentum. Samanlagt fylgi minnihlutans og Miðflokksins er því 55,8 prósent.
Könnunin var gerð dagana 20. til 26. nóvember og svarendur voru 1.034.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir