Fimm flokkar að baki samkomulagi um þingstörf

Sam­komu­lag hefur náðst milli fimm þing­flokka á Alþingi um hvernig skuli ljúka þing­störfum. Formenn og þing­flokks­for­menn hafa fundið um fram­halds þing­starfa í allan dag, og náðst hefur sam­komu­lag um fram­haldið á milli fimm flokka. Það eru Sjálf­stæð­is­flokkur, Framsókn, Viðreisn, Björt fram­tíð og Vinstri græn.

Frá þessu er greint á vef RÚV, en tveir flokkar sátu hjá og voru þannig ekki hluti af sam­komu­lag­inu, en það voru Sam­fylk­ingin og Píratar.

Unnur Brá Kon­ráðs­dóttir, for­seti Alþingis, greindi frá sam­komu­lag­inu á sjö­unda tím­anum í dag.

Ástæðan fyrir því að Sam­fylk­ingin og Píratar standa ekki að sam­komu­lag­inu er ágrein­ingur um mál­efni sem snúa að stjórn­ar­skránni og hvernig skuli vinna að breyt­ingum á henni.

Á meðal mála sem á að ræða um eru breyt­ingar á lögum um upp­reist æru og breyt­ingar á útlend­inga­lög­gjöf­inni.

Samkvæmt því sem segir á vef mbl.is verður sett á dag­skrá frum­varp um brott­fall ákvæðis um upp­reist æru, frum­varp um bráða­birgða­á­kvæði í kosn­inga­lög­um, frum­varp um breyt­ing­ar á út­lend­inga­lög­um, sem flutt verður af for­mönn­um flokka sem það styðja, kosið verður um nýja full­trúa í end­urupp­töku- og full­veld­is­nefnd, „vel­ferðar­nefnd mun ræða um NPA-frum­varp með það að mark­miði að hægt verði að gera frum­varp að lög­um á nýju þingi, verði vilji til þess, og að lok­um verður lögð fram til­laga um frest­un þing­fund­ar,“ segir í frétt mbl.is.

Kosið verður 28. októ­ber næst­kom­andi og eru flokk­arnir þegar byrj­aðir að und­ir­búa kosn­ing­arnar. Vonir standa til þess að þin­störfum ljúki á morgun, en það fer þó eftir hversu hratt mál munu vinn­ast, sem sam­komu­lag hefur náðst um að eigi að ræða.