Útlendingastofnun vinnur að því að staðfesta uppruna flóttamanna sem áttu að koma í fyrra

Grísk stjórn­völd hafa sent inn beiðni um að Ísland taki við 15 ein­stak­lingum, barna­fjöl­skyldum frá Sýrlandi sem eru stað­sett í Lesbos á Grikk­landi, og er Útlend­inga­stofnun nú að vinna í því í sam­ráði við grísk stjórn­völd að stað­festa upp­runa ein­stak­ling­anna. Þegar sú stað­fest­ing liggur fyrir verður haf­ist handa við að und­ir­búa fjöl­skyld­urnar undir flutn­ing til Íslands í sam­starfi við Alþjóð­legu fólks­flutn­inga­stofn­un­ina (IOM).

Þetta kemur fram í svari Ásmundar Einars Daða­sonar, félags- og barna­mála­ráð­herra, við fyr­ir­spurn Rósu Bjarkar Brynj­ólfs­dóttur, þing­manns Sam­fylk­ing­ar­innar. Rósa Björk spurði ráð­herr­ann um hvort það lægi fyrir hvenær flótta­fólkið sem rík­is­stjórnin sam­þykkti í lok sept­em­ber 2020 að taka á móti frá Lesbos á Grikk­landi og bjó áður í flótta­manna­búð­unum Moria sem eyðilögð­ust í elds­voða, væri vænt­an­legt til lands­ins.

Samþykkt að taka við fleirum mánuðum eftir að COVID-19 hófst

Rík­­is­­stjórn Íslands sam­­þykkti þann 25. sept­­em­ber síð­­ast­lið­inn að Ísland tæki á móti flótta­­fólki frá Lesbos á Grikk­landi, með áherslu á sýr­­lenskar fjöl­­skyldur í við­­kvæmri stöðu. Fram kom í til­­kynn­ingu á vef Stjórn­­­ar­ráðs­ins að fjöl­­skyld­­urnar hefðu áður búið í flótta­­manna­­búð­unum Moria sem eyðilögð­ust í elds­voða fyrr í mán­uð­in­­um.

Í til­­kynn­ingu stjórn­­­valda frá því í sept­­em­ber sagði að flótta­­fólkið frá Lesbos, sem yrði allt að 15 manns, myndi bæt­­ast í hóp þeirra 85 sem rík­­is­­stjórnin hygð­ist taka á móti á þessu ári og væri það lang­­fjöl­­menn­asta mót­­taka flótta­­fólks á einu ári hingað til lands.

[adspot]„Flótta­­manna­­nefnd mun ann­­ast und­ir­­bún­­ing á mót­­töku fjöl­­skyldn­anna og verður mót­­taka þeirra unnin í sam­vinnu við Evr­­ópu­­sam­­bandið og grísk stjórn­­völd. Evr­­ópu­­sam­­bandið hafði áður sent frá sér ákall um nauð­­syn á flutn­ingi barna og barna­­fjöl­­skyldna vegna bruna Moria flótta­­manna­­búð­anna. Þá mun Flótta­­manna­­stofnun Sam­ein­uðu þjóð­anna vera íslenskum stjórn­­völdum innan handar varð­andi það hvernig best verður staðið að því að koma fjöl­­skyld­unum til lands­ins,“ sagði í til­­kynn­ing­unni.

Katrín Jak­obs­dóttir for­sæt­is­ráð­herra sagði á sínum tíma að rík­is­stjórnin vildi bregð­ast við ákalli því sem borist hefði um að taka á móti fólki á flótta frá Lesbos. „Hér á landi hefur skap­ast umfangs­mikil og dýr­mæt þekk­ing þegar kemur að mót­töku sýr­lenskra fjöl­skyldna og sú reynsla okkar kemur að góðum not­um. Það er stefna rík­is­stjórn­ar­innar að taka á móti fleira flótta­fólki í sam­starfi við Flótta­manna­stofnun Sam­ein­uðu þjóð­anna sem lýst hefur ánægju með mót­töku flótta­fólks hér á land­i.“

Áttu að vera 100 en urðu núll

Þegar Kjarninn spurð­ist fyrir um það í febr­úar síð­ast­liðnum hversu margir þeirra 100 sem stjórn­völd höfðu til­kynnt opin­ber­lega að tekið yrði á móti í fyrra væru komnir hingað til lands var svar félags- og barna­mála­ráðu­neyt­is­ins það að ekki hafi verið mögu­legt að taka á móti kvótaflótta­fólki á síð­asta ári vegna COVID-19 far­ald­urs­ins. Það væri hins vegar unnið „hörðum höndum að því að taka á móti hópnum á fyrri hluta þessa árs“.

Á árinu 2019 var tekið á móti 74 flótta­­mönnum á Íslandi, en fram kom fréttum í lok árs­ins að íslensk stjórn­­völd myndu bjóð­­ast til að taka á móti 85 manns. Einkum væri um að ræða Sýr­­lend­inga og hópa við­­kvæmra flótta­­manna vegna kyn­­ferðis eða fjöl­s­kyld­u­að­­stæðna frá Ken­ía.