Ráðherrarnir funduðu á óþekktum stað um framhald ríkisstjórnarinnar

Bjarni Bene­dikts­son fjár­mála­ráð­herra og Sig­mundur Davíð Gunn­laugs­son for­sæt­is­ráð­herra fund­uðu nú fyrir hádegi um þá stöðu sem komin er upp innan rík­is­stjórn­ar­innar. Bjarni kom til lands­ins í morgun frá Banda­ríkj­unum og lét það verða sitt fyrsta verk að hitta Sigmund.

Ekki fæst upp­gefið hvar ráð­herr­arnir fund­uðu. Ekki næst í aðstoð­ar­menn þeirra og upp­lýs­inga­full­trúi rík­is­stjórn­ar­innar seg­ist í sam­tali við Kjarnann ekki vita hvar þeir eru. 

Ólafur Ragnar Grímsson, for­seti Íslands, kom einnig til lands­ins í morgun. Hann var í einka­er­indum erlendis og flýtti heim­för sinni í ljósi þeirrar stöðu sem upp er komin. Hann ætlar að eiga fund með Sigmundi og Bjarna í dag. Í við­tali við Vísi.is segir hann stöð­una innan rík­is­stjórn­ar­innar alvar­lega. 

Stjórn­ar­and­staðan hefur verið að funda í morgun og for­menn og þing­flokks­for­menn þeirra ætla að hitt­ast klukkan 12 í þing­hús­inu á form­legum fundi.

Afstaða framsóknarmanna breytist hratt

Afstaða fram­sókn­ar­manna til stöðu for­sæt­is­ráð­herra hefur breyst tölu­vert á síð­ustu dögum. Nú síð­ast sagði Karl Garð­ars­son, þing­maður flokks­ins, við RÚV að Sig­mundur þurfi að skýra mál sitt betur og leggja fram öll gögn tengdu Wintris-mál­inu. Sig­mundur sagði í gær á Stöð 2 að það kæmi til greina að gera það.

Ásmundur Einar Daðason sagð­ist í gær styðja for­ystu flokks­ins „eins og staðan væri í dag”. Þá hefur Fram­sókn­ar­flokk­ur­inn á Akureyri lýst því yfir að Sig­mundur eigi að segja af sér og njóti ekki lengur stuðn­ings.

Fréttin hefur verið upp­færð.