Varpholt

5. febrúar 2021 Á því rúma ári sem Sigurósk Tinna Páls­dóttir var vistuð á með­ferð­ar­heim­il­inu Lauga­landi var hún brotin þannig niður að allt hennar líf hefur lit­ast af því. Hún lýsir ótt­anum og van­líð­an­inni sem var við­var­andi á heim­il­inu. Þegar Tinna greindi frá kyn­ferð­is­brotum sem hún hafði orðið fyrir var henni ekki trúað og hún neydd til að biðj­ast afsök­unar á að hafa sagt frá ofbeld­inu. „Ég gerði ekki neitt, það voru þau.“

4. febrúar 2021 Ásmundur Einar Daðason, félags- og barna­mála­ráð­herra, hefur greint rík­is­stjórn­inni frá því að hann sé með mál­efni Lauga­lands til skoð­unar. Hann hyggst funda með hópi kvenna sem þar dvöldu 12. febr­úar næst­kom­andi. Katrín Jak­obs­dóttir for­sæt­is­ráð­herra segir að það muni ráð­ast af mati Ásmundar hvort sér­stök rann­sókn fari fram.

3. febrúar 2021 Í skýrslu fyrir Barna­vernd­ar­stofu kemur fram að tæp­lega þriðj­ungur barna sagð­ist hafa orðið fyrir ofbeldi af hálfu starfs­manna á með­ferð­ar­heim­ilum á vegum barna­verndar árin 2000 til 2007. Samt segir að lítið ofbeldi hafi verið á með­ferð­ar­heim­il­unum og að sum til­felli til­kynnts ofbeldis hafi verið „hluti af því að stoppa óæski­lega hegðun barns“.

1. febrúar 2021 Ellefu nafn­greindar konur sem lýsa ofbeldi sem þær urðu fyrir á Lauga­landi hafa skrifað Ásmundi Einari Daðasyni félags­mála­ráð­herra bréf þar sem þær fara fram á rann­sókn á starf­sem­inni á Lauga­landi. „Það hefði verið hægt að koma í veg fyrir ofbeldið sem við­gekkst á Lauga­landi“.

1. febrúar 2021 Sjö konur sem lýst hafa því að þær hafi orðið fyrir and­legu og lík­am­legu ofbeldi á með­ferð­ar­heim­il­inu Lauga­landi segja að þær styðji starf­sem­ina þar í dag, undir öðrum for­stöðu­manni. Hins vegar verði að gera upp við for­tíð­ina og tryggja virkt eft­ir­lit til að koma í veg fyrir að sagan end­ur­taki sig.

30. janúar 2021 Bragi Guð­brands­son, fyrr­ver­andi for­stjóri Barna­vernd­ar­stofu, segir að sig reki ekki minni til þess að hafa heyrt lýs­ingar af ofbeldi í Varp­holti og Lauga­landi. Hann vill ekki tjá sig um tutt­ugu ára gömul mál.

29. janúar 2021 Ingj­aldur Arn­þórs­son, fyrr­ver­andi for­stöðu­maður Varp­holts og Lauga­lands, seg­ist orð­laus yfir lýs­ingum hóps kvenna á ofbeldi sem hann eigi að hafa beitt þær. Hann seg­ist aldrei hafa beitt ofbeldi eða ofríki í störfum sínum. Augljóst sé að ein­hver sem sé veru­lega illa við sig standi að baki lýs­ing­unum.

29. janúar 2021 Heiða Björg Pálma­dóttir, for­stjóri Barna­vernd­ar­stofu, segir að farið verði yfir mál­efni með­ferð­ar­heim­il­is­ins að Lauga­landi, áður í Varp­holti, hjá stofn­un­inni í ljósi umfjöll­unar Stund­ar­innar um meint harð­ræði og ofbeldi gegn stúlkum sem þar voru vistaðar á árunum 1997 til 2007. Heiða Björg segir einnig að hún sé boðin og búin að funda með þeim konum sem lýst hafa ofbeld­inu sem þær hafi orðið fyrir á heim­il­inu, standi vilji þeirra til þess.

29. janúar 2021 Kvartað var undan fram­göngu Ingjalds Arn­þórs­sonar sem for­stöðu­manns Varp­holts og Lauga­lands strax árið 2000 til Barna­vernd­ar­stofu. Umboðs­maður barna fékk fjölda ábend­inga um ofbeldi og illa með­ferð á með­ferð­ar­heim­il­unum árið 2001, bæði frá stúlkum sem þar dvöldu eða höfðu dvalið og frá for­eldrum. Svo virð­ist sem ásak­an­irnar sem voru settar fram hafi lítt eða ekki verið rann­sak­aðar af hálfu Barna­vernd­ar­stofu. Ingj­aldur starf­aði sem for­stöðu­maður Lauga­lands allt til árs­ins 2007 og hafnar ásök­unum.

29. janúar 2021 Sex konur stíga fram í Stund­inni og lýsa alvar­legu ofbeldi sem þær segj­ast hafa orðið fyrir á meðan þær dvöldu á með­ferð­ar­heim­il­unum Varp­holti og Lauga­landi, sem stýrt var af sömu aðilum. For­stöðu­maður heim­il­anna hafnar ásök­unum. Ábend­ingar um ofbeldið bár­ust þegar árið 2000 en Barna­vernd­ar­stofa taldi ekk­ert hafa átt sér stað. Konurnar upp­lifa að málum þeirra hafi verið sópað undir teppið. „Við vorum bara börn.“