14. febrúar 2023 Rétt­ar­höld í máli namibískra stjórn­mála- og áhrifa­manna sem ákærðir eru fyrir að þiggja mútur frá Samherja í skiptum fyrir kvóta, munu hefj­ast 2. októ­ber. Þetta var ákveðið í þing­haldi í Namibíu í morgun. „Stór stund“ en fjar­vera Íslend­inga æpandi, segir tals­maður sam­taka gegn spill­ingu í Namibíu. Jóhannes Stef­áns­son fagnar áfang­anum og er klár í vitna­stúk­una í Windhoek í haust.

13. febrúar 2023 Tímarit sem norska stór­blaðið Aften­posten gefur út fjallar um Sam­herj­a­málið í Namibíu í for­síðu­grein. Eitt helsta inn­takið í grein­inni er að velta upp spurn­ingum um af hverju spill­ing er talin hafa auk­ist á Íslandi á síð­ustu árum.

17. janúar 2023 Útgerð­ar­fé­lagið Samherji þarf að borga skatta á Íslandi vegna launa­greiðslna til íslenskra starfs­manna sinna erlendis sem fengu greidd laun frá skatta­skjóls­fé­lag­inu Cape Cod FS. Samherji reyndi ítrekað að hafna tengslum sínum við Cape Cod FS og sagði fjöl­miðla ill­gjarna. Nið­ur­staða sam­komu­lags Skatts­ins við Samherja sýnir hins vegar að skýr­ingar Samherja á tengslum sínum við félagið voru rangar.

29. desember 2022 Baldvin Þor­steins­son, einn stærsti eig­andi Sam­herj­a­veld­is­ins, hefur keypt erlenda starf­semi syst­ur­fé­lags útgerð­ar­ris­ans. Selj­end­urnir eru for­eldrar hans Þor­steinn Már Bald­vins­son og Helga S. Guð­munds­dóttir og frændi hans Kristján Vil­helms­son.

15. desember 2022 Fyrr­ver­andi sjáv­ar­út­vegs­ráð­herra Namibíu vís­aði í gær allri sök á með­á­kærðu í Sam­herj­a­mál­inu og sagði þá hafa mis­notað sér hann og stöðu hans til að afla Samherja kvóta í skiptum fyrir mútur. Hann sé sak­laus af þeim alvar­legu afbrotum sem á hann eru bornar í Sam­herj­a­mál­inu.

28. nóvember 2022 Netumbo Nandi-Ndaitwah, utan­rík­is­ráð­herra Namibíu, sem kom hingað til lands í júní og ræddi Sam­herj­a­málið við íslenska ráð­herra og aðstoð­ar­mann eins þeirra, er nú svo gott sem búin að tryggja sér for­seta­emb­ættið í Namibíu. Hún var í morgun kjörin arf­taki for­manns flokks­ins, sitj­andi for­seta sem hyggst setj­ast í helgan stein. Flokk­ur­inn nýtur slíks yfir­burð­ar­fylgis að inn­an­flokks­kosn­ingin er sögð raun­veru­legt for­seta­kjör.

25. nóvember 2022 Fyr­ir­tækið sem á og byggir nýjan miðbæ á Selfossi er fram­leið­andi Ára­mótaskaups­ins í ár. Kristján Vil­helms­son er stærsti eig­andi þess. Sigtún þró­un­ar­fé­lag á fram­leiðslu­fyr­ir­tækið á móti Sig­ur­jóni Kjart­ans­syni. Samherji hefur átt í ára­löngu stríði við RÚV. Dag­skrár­stjóri vissi ekki um eign­ar­hald Krist­jáns þegar samn­ingur var gerður við fram­leiðslu­fyr­ir­tækið.

21. nóvember 2022 Í lok októ­ber fór fram umræða á Alþingi um rann­sókn Sam­herj­a­máls­ins í Namib­íu­mál­inu og orð­spori Íslands þar sem stór orð féllu. Frum­mæl­and­inn, Þór­hildur Sunnar Ævars­dóttir, taldi að fá þyrfti svör við því hvort dráttur á rann­sókn máls­ins á Íslandi væri eðli­legur, hvort yfir­völd á Íslandi tækju málið alvar­lega og hvort rann­sókn­ar­stofn­anir á Íslandi væru nægi­lega vel fjár­magn­aðar.

20. nóvember 2022 Hæsti­réttur hefur tekið af allan vafa um að jafn ólög­legt sé að greiða mútur og það er að taka við þeim. Dómur yfir starfs­manni Isavia sýnir þetta að sögn hér­aðs­sak­sókn­ara. Þrjú mútu­mál komu til kasta yfir­valda hér á landi á jafn mörgum árum frá 2018. Fram að því hafði tvisvar fallið dómur í slíku máli.

19. nóvember 2022 Samherji hefur boðið að gefa eftir yfir 2 millj­arða króna sem hald­lagðar voru í Namibíu, sem skaða­bætur til namibíska rík­is­ins í skiptum fyrir mála­lyktir. Namibísk yfir­völd tóku heldur fálega í til­boðið sam­kvæmt heim­ildum Stund­ar­innar. Lögmaður Wikborg Rein, sem starfar fyrir Samherja, stað­festir við­ræður en segir til­boðið ein­göngu hluta af einka­rétt­ar­legri deilu Samherja við yfir­völd, því sé ekki um að ræða við­ur­kenn­ingu á sekt í saka­máli.

18. nóvember 2022 For­sæt­is­ráð­ur­neytið segir að þátt­taka ráð­herra í rík­is­stjórn Íslands þurfi að stand­ast lög og siða­reglur ráð­herra. Svandís Svav­ars­dóttir mat­væla­ráð­herra tók nýlega þátt í mál­þingi með Þor­steini Má Bald­vins­syni, for­stjóra Samherja, eftir að þrýsti­sam­tök sjáv­ar­út­vegs­fyr­ir­tækja báðu hana um það.