Jarðefnaiðnaður í Ölfusi

29. september 2023 Minni­hlut­inn í sveit­ar­stjórn Ölfuss hefur ákveðið að vísa húsa­máli Elliða Vign­is­sonar bæj­ar­stjóra til siða­nefndar Sambands íslenskra sveit­ar­fé­laga. Elliði hefur varið sig í mál­inu með því að hann sé ekki kjör­inn full­trúi og þurfi þar af leið­andi ekki að ræða við­skipti sín í smá­at­riðum.

23. september 2023 Í siða­reglum kjör­inna full­trúa í Ölfusi kemur fram að þær eigi við um alla þá sem sitja í nefndum og ráðum á vegum sveit­ar­fé­lags­ins. Elliði Vign­is­son situr í nefndum á vegum bæj­ar­stjórnar Ölfuss auk þess sem hann situr alla bæj­ar­stjórnar- og bæj­ar­ráðs­fundi. Hann telur sig samt vera und­an­þeg­inn siða­reglum kjör­inna full­trúa sem koma eiga í veg fyrir hags­muna­á­rekstra.

31. mars 2023 Sex til tíu síló sem rúma 4.000 tonn hvert yrðu reist við möl­un­ar­verk­smiðju Heidel­berg í Þor­láks­höfn ef af fram­kvæmd­inni verður. Tvær stað­setn­ingar eru reif­aðar í nýrri mats­á­ætlun fram­kvæmd­ar­innar, önnur við höfn­ina og skammt frá íbúa­byggð en hin fjær byggð þar sem byggja þyrfti höfn.

31. janúar 2023 End­ur­skoð­enda­fyr­ir­tækið KPMG vann skýrslu um mögu­leg efna­hags­leg áhrif möl­un­ar­verk­smiðju þýska sem­ents­fyr­ir­tæk­is­ins Heidel­berg í Þor­láks­höfn. 60 til 70 störf munu skap­ast, hafn­ar­gjöld verða allt að rúm­lega 500 millj­ónir og fast­eigna­gjöld munu nema rúmum 100 millj­ónum hið minnsta. Bygging verk­smiðj­unnar er umdeild í sveit­ar­fé­lag­inu en Heidel­berg boðar nýjar hug­myndir og mögu­leika.

30. janúar 2023 Bæj­ar­full­trúi í Ölfusi, Ása Berglind Hjálm­ars­dóttir, lýsir því í við­tali hvernig hún telur að umsvifa­mik­ill athafna­maður í Þor­láks­höfn hafi hótað sér vegna gagn­rýni á hafn­ar­fram­kvæmdir í bænum. Athafna­mað­ur­inn, Einar Sig­urðs­son, hafnar þess­ari túlkun Ásu Berg­lindar.

29. janúar 2023 Starf­semi þýska sem­ents­fyr­ir­tæk­is­ins Heidel­bergs er umdeild víða um heim. Mann­rétt­inda­sam­tök hafa gagn­rýnt fyr­ir­tækið fyrir að starfa á hernumdum svæðum, bæði í Palest­ínu og Vestur-Sahara. Fyr­ir­tækið hyggst byggja möl­un­ar­verk­smiðju í Þor­láks­höfn þar sem móberg verður unnið í sem­ent.

28. janúar 2023 Þýska sem­ents­fyr­ir­tækið Heidel­berg vill byggja verk­smiðju sem er á stærð við fyr­ir­hug­aðan þjóð­ar­leik­vang inni í miðri Þor­láks­höfn. Fram­kvæmdin er umdeild í bænum og styrk­veit­ingar þýska Heidel­bergs til félaga­sam­taka í bænum hafa vakið spurn­ingar um hvort fyr­ir­tækið reyni að kaupa sér vel­vild. Bæj­ar­full­trú­inn Ása Berglind Hjálm­ars­dóttir vill ekki að Þor­láks­höfn verði að verk­smiðjubæ þar sem móberg úr fjöllum Íslands er hið nýja gull.

27. janúar 2023 Þýska sem­ents­fyr­ir­tækið ver pen­ingum í styrk­veit­ingar í Ölfusi til að reyna að auka vel­vild íbúa í sinn garð í aðdrag­anda bygg­ingar möl­un­ar­verk­smiðju í Þor­láks­höfn. Þetta er mat meiri­hluta íbúa í sveit­ar­fé­lag­inu, sam­kvæmt könnun sem Maskína gerði fyrir Heim­ild­ina. Tals­maður Heidel­bergs, Þor­steinn Víglunds­son. hefur lýst and­stæðri skoðun í við­tölum um styrk­ina og sagt að það sé af og frá að þetta vaki fyrir þýska fyr­ir­tæk­inu.

27. janúar 2023 44,7 pró­sent íbúa í sveit­ar­fé­lag­inu Ölfusi eru mjög eða fremur and­vígir bygg­ingu möl­un­ar­verk­smiðj­unnar í bænum. Til sam­an­burðar eru ein­ungis 19,3 pró­sent íbúa fremur eða mjög hlynntir bygg­ingu verk­smiðj­unnar. Þetta er nið­ur­staðan úr við­horfskönnun sem Maskína gerði fyrir Heim­ild­ina meðal 382 íbúa í Ölfusi. Könnunin olli titr­ingi í Ölfusi þegar hún var gerð á síð­ustu dögum.

18. janúar 2023 Þor­steinn Víglunds­son, for­stjóri fyr­ir­tæk­is­ins Horn­steins og tals­maður þýska sem­ents­fyr­ir­tæk­is­ins Heidel­berg, hafnar öllum ávirð­ingum um að fyr­ir­tækið sé að bera fé á íbúa Þor­láks­hafnar til að afla fyr­ir­tæk­inu stuðn­ings við fyr­ir­hug­aða verk­smiðju í bænum. Hann upp­lýsir í yfir­lýs­ingu að Heidel­berg hafi greitt 3,5 millj­ónir í styrki til félaga­sam­taka í Þor­láks­höfn.

18. janúar 2023 Skipu­lags­stofnun hefur ákveðið að bygg­ing möl­un­ar­verk­smiðju þýska sem­ents­fyr­ir­tæk­is­ins Heidel­berg þurfi að fara í umhverf­is­mat. Meiri­hluti Sjálf­stæð­is­flokks­ins í sveit­ar­stjórn taldi hins vegar ekki þörf á því að fram­kvæmdin færi í umhverf­is­mat. Björg­un­ar­sveitin í Þor­láks­höfn, Mann­björg, er einn af þeim aðilum sem þáði fjár­styrk frá Heidel­berg fyrir jól, í aðdrag­anda íbúa­kosn­ingar um fram­kvæmd­ina.