Föst á Gaza

16. febrúar 2024 Heim­ildin hefur rætt við aðstand­endur rúm­lega sjö­tíu ein­stak­linga sem fastir eru á Gaza, for­eldra sem ótt­ast um afdrif barna sinna og börn sem ótt­ast um líf for­eldr­anna. Algjör örvænt­ing birt­ist hjá þeim öllum, sem eru á Íslandi og þurfa að leggja líf fjöl­skyldu­með­lima í hendur íslenskra stjórn­valda. Auk þess að biðla til stjórn­valda að ná fjöl­skyldum þeirra heim, biðla þau til þeirra að gera ekki grein­ar­mun á íslenskum börnum og palest­ínskum.

16. febrúar 2024 Abdulkarim Alzaq er aðeins sex vikna gam­all. Þessa stuttu ævi hefur hann búið í tjaldi á Gazasvæðinu. Hann á föður á Íslandi sem hefur ekki tek­ist að fá sam­þykkt dval­ar­leyfi hér fyrir son­inn unga vegna þess að hann á ekki vega­bréf; ekki frekar en flest önnur börn sem hafa fæðst á Gazasvæðinu á síð­ustu mán­uðum. Lögin heim­ila und­an­þágu frá þess­ari kröfu en þeirri und­an­þágu hefur Útlend­inga­stofnun ekki beitt.

15. febrúar 2024 Mjög vannærð unga­börn, alvar­lega særður ung­lings­piltur, eldri maður sem er fár­veikur af krabba­meini. Þetta fólk, og fleira, er á leið út af Gazasvæðinu fyrir til­stilli íslenskra sjálf­boða­liða í Kaíró. „Við getum ekki setið hjá og horft á þjóð­ar­morð í beinni útsend­ingu eins og íslensk stjórn­völd virð­ast geta gert,“ segir einn sjálf­boða­lið­anna: Sema Erla Serdaroglu.

14. febrúar 2024 Ahmad Al-Shaghanoubi er 26 ára gam­all. Hann er óvinnu­fær af kvíða, hann sagði upp vinn­unni sinni til tveggja og hálfs árs, því hann gat ekki svarað fjöl­skyld­unni sinni þegar hún hringdi auk þess sem hann gat ekki ein­beitt sér að vinn­unni vegna þess að hann var hættur að geta sofið og borðað. For­eldrar hans, bróðir hans og eig­in­kona eru föst á Gaza. Faðir hans er veikur og þarf lyf sem hann fær ekki.

13. febrúar 2024 Heim­ildin óskaði eftir afriti af sam­skiptum utan­rík­is­ráðu­neyt­is­ins við sendi­ráð Egypta­lands í Osló og ísra­el­skra stjórn­valda en að mati ráðu­neyt­is­ins var ekki unnt að verða við afhend­ingu gagn­anna á grund­velli mik­il­vægra almanna­hags­muna, eins og segir í svar­inu. Þar segir einnig að nauð­syn­legt sé að sam­skipti utan­rík­is­þjón­ust­unnar af þessu tagi „fari leynt til að tryggja áfram­hald­andi góð sam­skipti og gagn­kvæmt traust við­kom­andi aðila“.

10. febrúar 2024 Abdalhay H. A. Alfarra veit ekki hvort að börnin hans tvö, konan hans, for­eldrar og bróðir eru lif­andi en hann hefur ekki náð sam­bandi við þau í tvær vikur. Hann segir að hann geti ekki lýst til­finn­ing­unni um að vera svona fjarri því þannig að hann sé sorg­mæddur eða reiður því þau orð séu ekki nógu lýsandi. Hann hugsar um bróðir sinn sem er hjá honum á Íslandi og reynir að vera honum móðir, faðir, vinur ásamt því að vera bróðir.

10. febrúar 2024 Sami Shaheen á fimm börn sem eru föst á Gaza, sá yngsti Mohammed er 4 ára. Þau eru ásamt mömmu sinni í Rafah þar sem sprengjum rignir yfir, svöng og hrædd. Sami hefur misst systur sína og börnin hennar fjögur og hefur ekki heyrt rödd for­eldra sinna í 120 daga. Sami sagði við börnin sín að vera þol­in­móð því ein­hver frá Íslandi væri á leið­inni að ná í þau en þau trúðu honum ekki.

9. febrúar 2024 Móðir og þrír drengir hennar sem setið hafa föst á Gaza, þrátt fyrir að vera með dval­ar­leyfi á Íslandi, eru nú á leið til lands­ins. Með í för eru rit­höf­und­arnir Kristín Eiríks­dóttir og Bergþóra Snæ­björns­dóttir auk Maríu Lilju Þrast­ar­dóttur fjöl­miðla­konu. Íslensku kon­urnar þrjár hafa und­an­farna viku unnið að því að hjálpa mæðgin­unum kom­ast frá átaka­svæð­inu og til fjöl­skyldu­föð­ur­ins sem býr á Íslandi.

8. febrúar 2024 Ahmed Murtaja á þriggja ára lang­veika dóttur og eig­in­konu á Gaza og þær kom­ast ekki út. Dóttir hans fær ekki þau lyf sem hún þarf og hún fær ekki lækn­is­þjón­ust­una sem hún þarf. Á meðan þær sitja fastar á Gaza búa þær í tjaldi og matur og vatn af svo skornum skammti að það stefnir lífi þeirra í hættu. Dóttir hans heitir Sham og upp­á­halds lit­ur­inn hennar er blár en Ahmed hefur ekki séð hana frá því að hún var hálfs árs.

7. febrúar 2024 Palest­ínskur faðir sem er með stöðu flótta­manns á Íslandi fór til Egypta­lands fyrir mán­uði síðan til þess að reyna að bjarga börnum sínum þremur og eig­in­konu af Gasa­svæð­inu. Ekkert hefur gengið og hann grát­biður íslensk stjórn­völd um hjálp.