Nýir tímar og tónlistin á vínyl

Jónína Ara­dóttir er söng­kona og laga­höf­undur frá Hofi í Öræfa­sveit sem býr nú í Osló í Noregi þar sem hún fékk tæki­færi til að vinna í tón­list­inni sinni, ferð­ast um Norð­ur­löndin og spila. En Covid hefur haft áhrif á spila­mennsk­una úti eins og hér heima og því er lag að vinna úr þeim spilum sem eru gefin. Þannig hefur henni gef­ist tóm til að vinna bæði að nýju efni og bæta það eldra og tón­leikum hefur verið streymt.

Við heyrðum fyrst í Jónínu þegar hún gaf út fyrstu sóló­plötu sína árið 2017, Remember. Þar setti hún saman nokkur lög úr eigin safni og lög sem hafa haft áhrif á hana á ferl­inum. Hún er nú að vinna í nýju verk­efni sem er að gefa plöt­una út á vínyl og vinnur hún nú að því að fjár­magna verk­efnið í gegnum Karolina fund.

[adspot]Jónína segir að það sé mikil eft­ir­spurn eftir tón­list á vín­yl­plötum og að hún fengið tölu­vert af fyr­ir­spurnum um lögin sín á því formi. „Ég hef verið mjög spennt fyrir þeirri hug­mynd en ekki haft tæki­færi til að skoða þetta fyrr en núna. Ég vinn allt mitt efni sjálf eins og kostur er í kringum þetta, eins og plötu­umslagið og önnur atriði sem eru mik­il­væg en taka tíma. Það er frá­bært tæki­færi að geta komið hug­myndum sem þess­ari í fram­kvæmd. Með því að vinna þetta í gegnum Karolina fund, þar sem aðdá­endur, vinir og ætt­ingjar geta tekið þátt og tryggt sér ein­tak fyr­ir­fram er ómet­an­legt fyrir okkur sem vinnum við að skapa.“

Að sögn Jónínu mun þessi útgáfa af plöt­unni Remember inni­halda níu lög af þeim tíu sem voru á upp­runa­legu plöt­unni. „Breiddin á vinylnum og tím­inn leyfa ekki öll lögin og því mun eitt lagið fylgja með á staf­rænu formi. Lögin mín eru bæði á ensku og íslensku og í Folk Country stemmn­ingu og eiga það allt sam­eig­in­legt að fanga atvik í gegnum tíð­ina sem hafa haft áhrif á mig. Sumt er bara þess eðlis að ég vil ekki gleyma, hvort sem það er jákvætt eða nei­kvætt þá reyni ég að sjá eitt­hvað gott út úr því. Text­arnir fyrir lögin munu fylgja með í plötu­umslag­inu og mynd­irnar sem prýða plöt­una eru teknar af Erlu Berg­lindi í nátt­úr­unni í Rangár­þingi eystra í bak­grunni. Ég elska að vera úti í nátt­úr­unni og leita ávallt eftir inn­blæstri þaðan, þó það sé lengra að fara núna eftir íslensku nátt­úr­unni þá eru minn­ing­arnar sterkar.“

Hún seg­ist hafa fundið fyrir miklum stuðn­ingi að heiman og víðar með þau verk­efni sem hún sé að vinna í með tón­list­inni minni og að það sé ómet­an­legt. „Mig langar að nota tæki­færið og þakka ykkur heima fyrir stuðn­ing­inn, góðar kveðjur og inn­blást­ur­inn.“

Hér er hægt að taka þátt í fjár­mögn­un­inni og for­kaupa vín­yl­inn.