Logi biður Guðlaug Þór um nánari útskýringar á heimsókn Pence

Logi Ein­ars­son, for­maður Sam­fylk­ing­ar­innar, segir í stöðu­upp­færslu á Facebook að Guð­laugur Þór Þórð­ar­son, utan­rík­is­ráð­herra, haldi því fram að til­efni heim­sóknar Mike Pence, vara­for­seta Banda­ríkj­anna, til Íslands sé sam­starf á sviði efna­hags- og við­skipta­mála. Guð­laugur Þór hafi þó sleppt því að nefna að ástæða heim­sókn­ar­innar sé að und­ir­strika land­fræði­legt mik­il­vægi Íslands á norð­ur­slóðum og aðgerðir NATÓ til að bregð­ast við auknum umsvifum Rúss­lands.

„Mörgum brá eðli­lega í brún snemm­sum­ars þegar rík­is­stjórnin færði 300 millj­ónir af fyr­ir­hug­uðum fram­lögum til þró­un­ar­að­stoðar í við­hald mann­virkja NATÓ á Kefla­vík­ur­flug­velli. Enn frekar þegar í ljós kom að umfang fram­kvæmda virð­ist marg­falt það sem kynnt var,“ segir í færsl­unni.

[adspot]Logi segir að þann 23. júlí síð­ast­lið­inn hafi hann óskað eftir því að utan­rík­is­ráð­herra, eða að minnsta kosti full­trúar utan­rík­is­ráðu­neyt­is­ins, kæmi á fund utan­rík­is­mála­nefndar og gerði betur grein fyrir þeirri upp­bygg­ingu sem nú er fyr­ir­huguð á varn­ar­svæð­inu í Keflavík. „Ég bað einnig um að gerð verði betri grein fyrir hvaða áform eru um við­veru her­manna þar. Mér hefur ekki borist svar en hef ítrekað beiðni mína og í leið­inni beðið um munn­lega skýrslu vegna heim­sóknar Pence til lands­ins.“

NATO og norðurslóðir helsta umræðuefnið

[links]Mike Pence, vara­for­seti Banda­ríkj­anna, mun koma í opin­bera heim­sókn til Íslands 4. sept­em­ber næst­kom­andi. Pence mun einnig heim­sækja Bret­land og Írland í þess­ari ferð þar sem hann kemur fram fyrir hönd Don­ald Trump, for­seta Banda­ríkj­anna.

Þetta kemur fram í frétta­til­kynn­ingu frá Hvíta hús­inu sem birt var í gær­kvöldi. Þar segir að í ferð sinni til Íslands muni Pence und­ir­strika mik­il­vægi Íslands á Norð­ur­slóðum og ræða aðgerðir NATO til að vinna gegn auknum yfir­gangi Rússa á því svæði. Þá muni hann ræða tæki­færi til að ræða aukn­ingu á við­skiptum og fjár­fest­ingum milli land­anna, en eng­inn frí­versl­un­ar­samn­ingur er í gildi sem stendur milli Íslands og Banda­ríkj­anna.