Mynd dagsins

Greinaröð
Mynd dagsins

Prinsessa í einn dag

Síðasta alvöru prinsessa Íslands var Margrethe Alex­andrine Þór­hildur Ingrid of Schleswig-Holstein-Sond­er­burg-Glücksburg, sem flestir þekkja betur sem drottn­ingu Dana­veldis, Margrét II. En í fjögur ár og þrjá mán­uði var hún okkar prinsessa, eða fram að því að við urðum sjálf­stæð þjóð í júní 1944. Í hádeg­inu á ösku­dag rakst ég á prinsess­una Ölbu, hennar helstu fyr­ir­mynd­irnar eru senni­lega ævin­týra­prinsessur H.C. Andersen og Disney - frekar en Margrét Dana­drottn­ing í æsku.
Mynd dagsins

Sprengi­dagur með ritu og fýl

Ritan og fýll­inn eru komin í Krýsu­vík­ur­bergið nú í miðjum febr­úar. Í þessu rúm­lega 6 km langa og 50 metra háa bjargi verpa um 60.000 fugla­pör, af níu teg­undum sjó­fugla. Langmest er af ritu og lang­víu, en auk þeirra eru þarna álka, stutt­nefja og fýll. Síðan er minna af lunda, topp­skarfi, silf­ur­máf og teistu. Fara þarf með gát um bjargið núna, en margar sprungur hafa opn­ast á bjarg­brún­inni eftir skjálfta­hrin­urnar sem hafa leikið Reykja­nesskag­ann illa síð­ustu miss­eri.
Mynd dagsins

Þing­valla­vatn á bollu­degi

Mynd­irnar eru af Nesjaey, ein af þremur eyjum í Þing­valla­vatni, og teknar af Svína­nesi undir Svína­hlíð. Hinar eyj­arnar eru Sandey sem mynd­að­ist í miklu neð­an­vatns­gosi fyrir 2.500 árum og síðan Heið­ar­bæj­ar­hólmi. Þing­valla­vatn mynd­að­ist við land­sig og hraun­stíflur fyrir 12.000 árum, enda á miðjum Atl­ants­hafs­hryggnum, einmitt þar sem mesta gliðn­unin fer fram. Í Landnámu heitir þetta 84 km² stóra stöðu­vatn, Ölf­us­vatn.
Mynd dagsins

Óður til NYC í porti á Lauga­veg­inum

Ljós­mynd­ar­inn og heim­spek­ing­ur­inn Snorri Sturlu­son er með sína fyrstu ljós­mynda­sýn­ingu hér heima, American Dreams, í Gallery Port á Lauga­veg­inum. Mynd­irnar tók hann á sextán ára tíma­bili, þegar hann bjó í borg­inni sem aldrei sefur, New York, árin 2001-2017. „Sýningin varð til í ein­hvers­konar hug­leiðslu á rölti mínu um stór­borg­ina. Líka rann­sókn á félags­legum og póli­tískum veru­leika banda­rísks sam­fé­lags.“ Sýningin stendur til 20 febr­úar.
Mynd dagsins

Snjó­börl­ingur og kaf­aldsmygl­ingur í dag

Það var sér­kenni­legt veður í höf­uð­borg­inni í dag. Gekk á með dimmum éljum, mjög bjart á milli. Hér sjáum við yfir Faxa­fló­ann á Akra­fjall, rísa 643 metra upp við mynni Hval­fjarðar. Til að setja hæð­ina í sam­hengi við önnur fjöll, þarf hálft Akra­fjall í við­bót til að ná hæð­inni á Esjunni handan við fjörð­inn. Það þarf síðan þrettán og hálft Akra­fjall til að ná hæð K2 í Pakistan. Hvanna­dals­hnjúkur er rúm­lega þrisvar sinnum hærri en Akra­fjall.
Mynd dagsins

Hátíð í bæ

Það eru skynjarar sem nema hreyf­ingar frá áhorf­endum og umhverf­inu í víd­eó­verk­inu Truflun / Interference eftir lista­menn­ina Harald Karlsson og Litten Nystrøm sem varpað er á Hall­gríms­kirkju. Verkið er eitt 23 lista­verka á Ljósa­slóð í miðbæ Reykja­víkur, sem er hluti Vetr­ar­há­tíðar sem hófst í gær og stendur fram á sunnu­dags­kvöld á öllu höf­uð­borg­ar­svæð­inu. Kveikt er á verk­unum frá klukkan 18 til 21 alla daga hátíð­ar­innar.
Mynd dagsins

Kraftur í Krafti

Í kvöld klukkan átta, á alþjóða­degi gegn krabba­meinum, er Kraftur með söfn­unar- og skemmti­þátt­inn „Lífið er núna“ í beinni útsend­ingu á Sjón­varpi Símans og í net­streymi á mbl.is. Meðal þeirra lista­manna sem koma fram eru GDRN, Valdimar, Ari Eldjárn, Sigríður Thorlacius og Páll Óskar (mynd). Kraftur er stuðn­ings­fé­lag fyrir ungt fólk sem greinst hefur með krabba­mein og aðstand­endur þeirra. Um sjö­tíu ungir ein­stak­lingar grein­ast hér með krabba­mein árlega.
Mynd dagsins

Hvað fær maður fyrir 169 þús­und krónur?

Í nær sex ára­tugi var Hvít­ár­brúin hjá Ferju­bakka í Borg­ar­firði aðal þjóð­leiðin milli lands­hluta. Þessi ein­breiða 106 metra langa brú, hönnuð af Árna Pálssyni verk­fræð­ingi hjá Vega­gerð­inni, var valin af Verk­fræði­fé­lagi Íslands sem eitt af verk­fræði­afrekum síð­ustu aldar á Íslandi. Hvít­ár­brúin sem stendur nú á vegi 510 var byggð af Vega­gerð­inni á sex mán­uðum árið 1928 og kost­aði verkið hvorki meira né minna en 169 þús­und krónur.
Mynd dagsins

Núll komma núll núll fimm %

Við Íslend­ingar erum 368.590 tals­ins, eða 0,005% jarð­ar­búa, sem voru nú um ára­mótin 7.874.965.825 tals­ins. Af þessum tæp­lega 370 þús­und lands­mönnum búa hér 51.180 erlendir rík­is­borg­arar, eða 13,9% af heild­ar­fjöld­anum – og hafa aldrei verið fleiri. Algeng­ustu eig­innöfn karla eru Jón, Sigurður og Guð­mundur en algeng­ustu kven­mannsnöfnin eru Guðrún, Anna og Kristín. Ísafold (mynd) er ein 32 kvenna sem bara það eig­in­nafn, meðan Guð­rún­arnar eru 4.656.