Mynd dagsins

Greinaröð
Mynd dagsins

Haninn Hregg­viður IV við Dillons­hús, must­eri ást­ar­innar

Fimm máls­met­andi ein­stak­lingar rit­uðu í morgun langa grein í Frétta­blaðið um að flytja Dillons­hús, sem stað­sett er á Árbæj­ar­safni aftur heim. „Heim“ er hornið á Suð­ur­götu og Túngötu, en þar er nú smekk­laust bíla­stæði. Húsið byggði Dillon lávarður, Sire Ottesen ást­konu sinni og barni þeirra, árið 1853. Húsið stóð þar þangað til það var flutt upp á Árbæj­ar­safn árið 1961. Húsið hýsir kaffi­hús safns­ins og er helsta mat­ar­hola han­ans Hregg­viðs IV. Hann er lík­lega einn af fáum sem er mót­fall­inn flutn­ingum á þessu fína húsi niður í Kvos.
Mynd dagsins

Hjartans kveðja frá Reykja­nesi

Þessi ferða­langur á Bleik­hóli, við suð­ur­enda Kleif­ar­vatns, ætl­aði að finna fyrir honum stóra sem kom svo ekki. Það voru fáir á ferli, enda hafa Almanna­varnir beint því til fólks að vera ekki að þvæl­ast að óþörfu um mið­bik Reykja­nesskag­ans. Krýsu­vík­ur­kerfið er undir sér­stöku eft­ir­liti vís­inda­manna, því það teygir anga sína inn á höf­uð­borg­ar­svæðið. Síðdegis í gær mæld­ust litlir skjálftar óþægi­lega nálægt Krýsu­vík­ur­svæð­inu, sem er áhyggju­efni vís­inda­manna.
Mynd dagsins

Tæpir tutt­ugu millj­arðar

Hann virkar ekki stór, hjól­reiða­mað­ur­inn sem dáist að Venusi frá Vopna­firði landa loðnu hjá Brim í Akra­nes­höfn nú í morgun. Íslensk upp­sjáv­ar­skip mega í ár, eftir tvær dauðar ver­tíðir, veiða tæp sjö­tíu þús­und tonn af loðnu, sem gerir um 20 millj­arða í útflutn­ings­verð­mæti. Verð­mæt­ust eru loðnu­hrognin, en á seinni mynd­inni má sjá hvernig þau eru unnin fyrir fryst­ingu á Jap­ans­markað. Kíló­verðið á hrogn­unum er um 1.650 krónur, sem er met.
Mynd dagsins

Þá var kátt í höll­inni

Í morgun var byrjað að bólu­setja með 4.600 skömmtum frá Pfizer, ald­urs­hóp­inn 80 ára og eldri í Laug­ar­dals­höll­inni. Hér er Arn­þrúður Arn­órs­dóttir fædd 1932 að fá sinn fyrsta skammt. Alls hafa nú 12.644 ein­stak­lingar verið full bólu­settir gegn Covid-19, frá 29. des­em­ber, þegar þeir fyrstu fengu spraut­una. Ísland er í fjórða neðsta sæti í Evrópu með 1.694 smit á hverja 100 þús­und íbúa, Finnar eru lægstir með ein­ungis 981 smit á hverja 100 þús­und íbúa. Andorra er með flest smit á heims­vísu, eða 14.116 smit á hverja 100 þús­und íbúa.
Mynd dagsins

Skjálf­andi jörð

Síðan skjálfta­hrinan byrj­aði síð­ast­lið­inn mið­viku­dag hafa rúm­lega 11.500 skjálftar mælst á Reykja­nes­inu. Og heldur er að bæta í því á fyrstu tólf tímum dags­ins í dag (1. mars) hafa mælst yfir 1500 skjálftar, þar af 18 af stærð­inni 3.0 eða stærri. Virknin í dag er stað­bundin en flestir skjálft­ana eiga upp­tök sín við Keili og Trölla­dyngju, sem er skammt frá Sand­fellsklofa þar sem er mynd dags­ins er tekin.
Mynd dagsins

Glæsi­legt hjá Græn­lend­ingum

Ferða­menn sem koma hingað frá Græn­landi eru nú, einir þjóða, und­an­þegnir aðgerðum á landa­mærum og þurfa því hvorki að fara í skimun, sótt­kví eða fram­vísa nei­kvæðu PCR-prófi. „Það hefur gengið vel, ein­ungis 30 Covid-19 smit verið í öllu land­inu." segir Jacob Isbos­eth­sen (mynd) sendi­herra Græn­lands á Íslandi. Ef jafn­margir hefðu smit­ast hér og og á Græn­landi hefðu 195 manns fengið Covid-19. Í morgun var talan örlítið hærri, 6049 ein­stak­lingar hafa fengið far­sótt­ina hér heima.
Mynd dagsins

Allir á tánum

Það var mikið um að vera við veg 42, vestan Kleif­ar­vatns nú í morgun. Vega­gerðin var að kanna aðstæður, starfs­menn á Jarð­vá­rsviði Veð­ur­stofu Íslands (mynd) voru að mæla gas á hvera­svæð­inu í Seltúni, sem og grjót­hrun. Þarna voru líka ferða­langar að von­ast eftir hinum stóra, kvik­mynda­gerð­ar­maður að festa augna­blik á filmu, enda höfðu mælst yfir 1000 jarð­skjálftar á svæð­inu fyrstu tíu tím­ana í dag. Þar af tveir yfir 3 að stærð, sá stærri átti upp­tök sín rétt norðan við Seltún, klukkan 03:26 í morgun.
Mynd dagsins

Chelsea týnd í tutt­ugu tíma

Þriggja mán­aða gamla tíkin Chelsea fannst föst í gjótu niðri við höfn eftir að hafa að hafa skroppið út í garð að pissa sl. laug­ar­dags­kvöld. „Það er ómet­an­legt að búa í svona bæ, eins og hér í Vogunum, þar sem hálfur bær­inn, ásamt Björg­un­ar­sveit­inni tók þátt í leit­inni,“ segir Viktoría Ólafs­dóttir eig­andi hvolps­ins. Viktoría segir Chelsea hafa tekið á rás í ofsa­hræðslu, eftir að tvær tertur voru sprengdar í nágrenn­inu og er þakk­lát fyrir að hún sé komin heim ósködduð. Chelsea leikur úti við Atlético Madrid í Meist­ara­deild­inni í kvöld, sig­ur­leik fyrir Chelsea í Vogunum.
Mynd dagsins

Hátt yfir hinu háa Alþingi

Svona er útsýnið af efstu hæð­inni á nýja hót­el­inu sem er að rísa á Land­símareitnum milli Aust­ur­vallar og Fógeta­garðs­ins. Verklok á Icelandair / Hilton hót­el­inu eru áætluð þann 1. maí, en hvenær hót­elið opnar síðan fyrir gestum og gang­andi, fer auð­vitað eftir því hvernig tekst að koma böndum á far­sótt­ina. Mest spenn­andi fyrir okkur heima­menn er end­ur­gerð tón­leika­sal­ar­ins Nasa í sinni upp­runa­legu mynd.
Mynd dagsins

Kristín stýrir vísi­tölu Willy

Sölu­maður Deyr, eftir banda­ríska leik­skáldið Arthur Miller, verður frum­sýnt á morgun (laug­ar­dag) á stóra sviði Borg­ar­leik­húss­ins, undir leik­stjórn Krist­ínar Jóhann­es­dóttur (mynd). Verkið er eitt af stóru leik­verkum síð­ustu aldar og þrátt fyrir að það hafi verið frum­sýnt fyrir 72 árum. „Verkið á svo sann­ar­lega við í dag... við horfum upp á tra­gedíu hins venju­lega manns, sem dreymir um að vinna í lott­er­í­inu,“ segir Kristín um höf­uð­per­són­una Willy Loman, sem leik­inn er af Jóhanni Sig­urð­ar­syni.
Mynd dagsins

100 millj­arða holan við Hring­braut

Hér ganga verka­menn eftir morg­un­kaffið niður grunn­inn á nýjum Land­spít­ala, sem mun lík­lega kosta um 100 millj­arða með tækjum og tólum þegar verk­efn­inu líkur ein­hvern­tíma á þess­ari öld. Í dag er Land­spít­al­inn með starf­semi á 17 stöðum í 100 bygg­ingum sem skapar auð­vitað mikið óhag­ræði. Meira en helm­ingur bygg­inga spít­al­ans eru yfir hálfrar aldar gamlar. Fyrsti áfang­inn, nýr með­ferð­ar­kjarni (sjúkra­hús), verður tek­inn í notkun eftir fimm ár, árið 2026.