Mynd dagsins

Greinaröð
Mynd dagsinsPáll Stefánsson

Kúbein á Tý

Það kom í ljós að það kostar yfir 100 millj­ónir að laga Tý, hálfrar aldar gam­alt skip Land­helg­is­gæsl­unnar, þegar hann var dreg­inn vél­ar­bil­aður upp í Slippinn í Reykja­vík. Skemmdir á skip­inu voru svo miklar að þær ógn­uðu bæði öryggi þess og áhafnar; meðal ann­ars voru tveir tankar skips­ins ónýtir vegna tær­ingar. Á mynd­inni er einmitt verið að loka fyrir annan tank­inn svo hægt sé að sjó­setja skipið á nýjan leik. Dóms­mála­ráð­herra til­kynnti nú fyrr í mán­uð­inum að nýtt skip yrði keypt og lagði til að það fengi nafnið Freyja - sem yrði þá fyrsta ásynjan í flota Gæsl­unnar.
Páll Stefánsson
Mynd dagsinsPáll Stefánsson

Að hrauna yfir landið

Það var ein­stak­lega til­komu­mikið að sjá eld­gosið í Geld­inga­dal í gær. Þúsundir streymdu til og frá gos­s­töðv­unum, eins og eng­inn væri morg­un­dag­ur­inn. En hann kom snemma, sér­stak­lega fyrir þá sem mættu seint og voru illa búnir að takast á við vætu og kulda í nótt. En sjón­ar­spil­inu við Fagra­dals­fjall held ég að eng­inn gleymi, enda ein­stak­lega fal­legt hraun­gos. Næsta stóra mál er að tryggja gott og öruggt aðgengi, svo allir sem einn fái og geti notið þess að upp­lifa þessa stór­brotnu nátt­úru­feg­urð.
Páll Stefánsson
Mynd dagsins

Elísabet drottn­ing

Elísabet Jök­uls­dóttir er drottn­ing íslenskra rit­höf­unda í ár, eftir að hafa unnið Íslensku bók­mennta­verð­launin fyrir sína fjórðu skáld­sögu Apr­ílsól­ar­kulda fyrr á árinu. „Nafna mín er auð­vitað upp­á­halds hjá Bresku kon­ungs­fjöl­skyld­unni, svo er Harry prins mjög sætur,“ segir Elísabet, þar sem hún situr fyrir í mars­rign­ing­ar­hit­anum í Hvera­gerði. „Hér er gott að vera, tók mig þessa 6 mán­uði sem ég hef búið hér að venj­ast hægum takt­inum eftir að hafa búið vestur í bæ í yfir 30 ár.“
Mynd dagsins

Gott á grillið

Þessir naut­gripir nutu veð­ur­blíð­unnar í hádeg­inu upp á Óshól í Hval­firði. Í fyrra seld­ust hér 4.668 tonn af naut­gripa­kjöti og er það í fjórða sæti yfir mest selda kjötið með 17% hlut­deild. Mest er selt af ali­fugla­kjöti, af því seld­ust rúm­lega 9 þús­und tonn, sem gerir 33% hlut­deild. Í öðru sæti er svína­kjöt - en í fyrsta skipti í sög­unni seld­ist meira af svína­kjöti en lamba­kjöti, sem er nú komið í þriðja sæti yfir mest selda kjötið eftir að hafa trónað á toppnum í árhund­ruð.
Mynd dagsins

Vegur 408 hjá Vega­gerð­inni

Horft er eftir vegi 408, upp Elliða­vatns­heið­ina í Heiðmörk. Svæðið var friðað árið 1950 og er stærsta úti­vist­ar­svæði í nágrenni höf­uð­borg­ar­svæð­is­ins - heilir 32 fer­kíló­metrar að stærð og göngu­stígar þar spanna yfir 40 kíló­metra. Innan Heið­merkur eru Gvend­ar­brunnar sem hafa verið vatns­ból Reyk­vík­inga síðan 1909 og sjá nú rúm­lega 60% lands­manna fyrir fersku vatni. Skóg­rækt­ar­fé­lag Reykja­víkur hefur umsjón með svæð­inu, sem liggur í tún­fæti Reykja­víkur.
Mynd dagsins

Filman lengi lifi.... húrra!

Kín­verska lista­konan og ljós­mynd­ar­inn Shu Yi hefur búið og starfað á Íslandi síð­ustu sjö árin. Nú hefur hún sett upp sína fyrstu einka­sýn­ingu, ljós­mynda­sýn­ing­una „Áningin“ í MUTT gall­erí á Lauga­veg­inum. Mynd­irnar eru 18 tals­ins og allar teknar á stóra filmu, með langt ljósop - allt upp í klukku­tíma. „Þetta eru myndir af núinu, hreyf­ing­ar­laust end­ur­varp og skoðun ofar því sem hug­ur­inn nemur. Þessum hug­hrifum nær filman, hún er nefni­lega óút­reikn­an­lega göldrótt.“
Mynd dagsins

Vetur kon­ungur heim­sækir Atla­gerð­is­vit­ann

Það eru 105 vitar á land­inu. Einn sá elsti, Atla­gerð­is­vit­inn, var byggður árið 1918 og stendur á Tanga á Vatns­leysu­strönd, við Stóralón og Litlalón. Í hásuður blasir Fagra­dals­fjall við í tæp­lega tíu km fjar­lægð, og í norður Snæ­fells­nesið á góðum degi. En ekki í dag, það var ansi nap­urt á Reykja­nes­inu í morgun, hvöss norð­an­átt og gekk á með smá éljum, á meðan jörð hríðskalf undir Fagra­dals­fjall­inu.
Mynd dagsins

Samtaka for­maður

Þorbjörg Þor­valds­dóttir (mynd) var um helg­ina kjörin í þriðja sinn for­maður Sam­tak­anna '78. „Það náð­ist stór áfangi í bar­áttu hinsegin fólks í lok síð­asta árs með laga­setn­ingu um kyn­rænt sjálf­ræði frá Alþingi. Næsti áfangi er að huga betur á rétt­indum hinsegin flótta­fólks sem hingað kemur. Í dag eru þau lítil sem engin.“ Heimili Sam­tak­anna, Regn­boga­sal­ur­inn, félags­heim­ilið er að Suð­ur­götu 3.
Mynd dagsins

Bar­áttu­dag­ur­inn átt­undi mars

Alþjóð­legi bar­áttu­dagur kvenna hefur verið hald­inn hátíð­legur þann átt­unda mars í meira en heila öld. Upp­haf­lega sneru kröfur kvenna að kosn­inga­rétti og sam­stöðu verka­kvenna en í dag hefur hvert ár sitt þema. Í ár er þemað „Choose To Challenge“, sem vekur máls á kynja­hlut­drægni og kyn­bundnu ójafn­rétti en er jafn­framt hannað til að fagna vinnu og afrekum kvenna - líkt og Karolinu Polak (mynd). Karolina er pólsk verka­kona sem hefur búið og starfað hér í tíu ár, unnið sig upp, og er nýlega orðin aðstoð­ar­versl­un­ar­stjóri í stórri mat­vöru­verslun vestur í bæ.