Mynd dagsins

Greinaröð
Mynd dagsins

Bundinn við bryggju í bull­andi fiskiríi

Brottför línu­báts­ins Fjølnis GK seink­aði um tæpan sól­ar­hring eftir að skip­verji, nýkom­inn heim frá útlöndum, mætti til vinnu um borð seinni­part­inn í gær. Það áður en nið­ur­staða lá fyrir úr seinni sýna­tök­unni. Sú nið­ur­staða reynd­ist jákvæð. Í ljós kom eftir mótefna­mæl­ingu nú í morgun, að smitið reynd­ist gam­alt. Á meðan þurfti níu manna áhöfn að sæta ein­angrun og sótt­kví um borð. Málið er á borði lög­reglu sem brot á sótt­varn­ar­lögum.
Mynd dagsins

Hvað kostar tonn af salti?

Við Cuxhavengötuna í Hafn­ar­firði bíða þessir 1.000 kílóa pokar af salti að kom­ast í næstu fisk­vinnslu. Í dag er salt­fiskur oft­ast for­salt­aður í 2-3 daga með sprautun og pæklun. Síðan er fisk­ur­inn þurr­salt­aður eða kaf­salt­aður í ker og mett­ast þá af salti. Við söltun fer nátt­úru­legur salt­styrkur í fis­kvöðva úr 0,2% í rúm­lega 20%. Helstu kaup­endur af salt­fiski eru Spánn, Portúgal, Brasilía og Ítalía. Pokinn með 1.000 kílóum af salti kosta 25.972 krónur, hingað kom­inn alla leið­ina frá Túnis.
Mynd dagsins

Áfram stelpur!

Í dag var Þor­steinn Hall­dórs­son ráð­inn þjálf­ari A-lands­liðs kvenna. Hans fyrsta stóra mót með lið­inu verður EM á Englandi á næsta ári. Auðvitað líka að koma lands­lið­inu á næsta Heims­meist­ara­mót, en und­ankeppnin fyrir það mót hefst strax í haust. Þor­steinn hefur und­an­farin sex ár þjálfað Breiða­blik með góðum árangri. Þor­steinn vann sinn fyrsta leik sem þjálf­ari þegar kvenna­lið Fram vann FH úti í 3-0 í annarri deild­inni þann 3. júní árið 1993.
Mynd dagsins

Rétt hilla

Á Hring­braut­inni keppt­ist þessi hjól­reiða­kappi listi­lega á móti norð­an­garr­anum með for­láta hillu. Samkvæmt nýrri reglu­gerð umhverfis- og sam­göngu­ráð­herra mega vera allt að fimm manns á einu hjóli, með tengi­vagni. Ekki má flytja hluti á reið­hjólum sem geta valdið veg­far­endum óþæg­indum. Samkvæmt reglu­gerð­inni skulu reið­hjól vera búin bjöllu, en mega ekki hafa annan búnað sem gefur frá sér hljóð.
Mynd dagsins

Gísli, Eiríkur og Helgi

Á bæ þeim sem á Bakka heitir í Svarf­að­ar­dal, bjuggu þrír bræður sem voru orð­lagðir fyrir heimsku og heimsku­pör. Þeir Bakka­bræður hétu Gísli, Eiríkur og Helgi. Fyrir átta árum fengu þeir bræður kaffi­hús, safn og bar í hjarta Dalvíkur. Það verður nóg að gera hjá þeim bræðrum að moka frá inn­gang­inum, áður en opnar í hádeg­inu á föstu­dag. Kaffihús Bakka­bræðra er bara opið um helgar nú í svartasta skamm­deg­inu.
Mynd dagsins

Ekki græna glóru hvað bát­ur­inn heitir

Þetta tæp­lega hund­rað ára gamla hús á Hofsósi vekur alltaf hjá manni margar spurn­ingar. Eru eig­end­urnir ekki sam­mála um eitt eða neitt, eða eru þeir sam­stíga að svona eigi þessi bygg­ing að líta út, fal­leg og umfram allt öðru­vísi, eins og veðrið í Skaga­firði í dag? Í Fljót­unum var öskr­andi bylur, á Hofsósi smá snjó­koma, meðan Glóðafeykir var bað­aður í stillu og sól í 14 stiga frosti. Í Vatns­skarð­inu var norðan garri.
Mynd dagsins

Hundrað fimm­tíu og átta ára

Það var norð­an­bál við Úlf­ljóts­vatn í morgun, en við þetta 4 km langa vatn stendur kirkja sem kennd er við vatnið. Kirkjan sjálf var byggð úr timbri árið 1863 og síðan var turn­inum bætt við 98 árum seinna. Hún er ein af rúm­lega 360 kirkjum í lýð­veld­inu - það er sem­sagt eitt guðs­hús fyrir hverja þús­und íbúa þessa lands. Vatnið er kennt við Úlfljót, fyrsta lög­sögu­mann Íslend­inga, en eftir honum voru einnig fyrstu almennu lög lands­ins nefnd, Úlf­ljótslög.
Mynd dagsins

Tvö þús­und tonn af vatni

Það streymdu inn 500 lítrar á sek­úndu af köldu vatni inn í bygg­ingar Háskóla Íslands snemma í morgun, eftir að rof varð á aðal­kalda­vatnsæð Veitna við Suð­ur­götu í nótt. Lang­mesta tjónið varð á Háskóla­torgi og Gimli, þar sem raf­magn fór af öllu hús­inu eftir að vatn flæddi upp í raf­magns­töflu húss­ins. Hand­ritin á Árna­stofnun eru óskemmd. Háskóli Íslands er ekki tryggður fyrir þessu mikla tjóni.
Mynd dagsins

Bóndi fyrir Bónda­dag­inn

Á fjár- og kúa­bú­inu Butru búa bænd­urnir Ágúst Jensson og Oddný Steina Vals­dóttir (mynd). „Það sem er brýn­ast nú fyrir bændur er að hér sé hægt að stunda land­búnað og hafa ein­hverjar tekjur af. Raun­tekjur sauð­fjár­bænda hafa rýrnað um tugi pró­senta á und­an­förnum árum. Það er líka mik­il­vægt að gera okkar góðu afurðir betur rekj­an­legar,“ segir Oddný Steina, sem situr í stjórn Bænda­sam­tak­anna. Nú á föstu­dag­inn er Bónda­dag­ur­inn. Til ham­ingju allir bændur, líka allir þeir sem eru á möl­inni.
Mynd dagsins

Tveir plús tveir eru fimm

Í svona árferði leggj­ast auð­vitað nokkrar Lunda­búðir á Lauga­veg­inum á hlið­ina, en það kemur líka auð­vitað eitt­hvað annað í stað­inn - eins á og Lauga­vegi 48. Á föstu­dag­inn opn­aði þar nýtt gall­erí, MUTT Gallery, með stór­góðri sýn­ingu Úlfs Karls­sonar (mynd) sem ber heitið: 2+2 = 5. Mið­bær­inn okkar er alltaf að breyt­ast, er bestur þegar þar verður til áhuga­verð blanda af menn­ingu, veit­inga­stöðum og fjöl­breyttum versl­unum sem gerir mið­bæ­inn bæði lif­andi og áhuga­verðan fyrir gesti og gang­andi.
Mynd dagsins

Fuglar, jóla­tré, gam­alt skrif­borð, plast og síðan olía

Á Álfsnesi voru urðuð hvorki meira né minna en 103 þús­und tonn af sorpi á síð­asta ári, að sögn Arnórs Gunn­ars­sonar hjá Sorpu. Innan um stór­virkar vinnu­vélar voru hund­ruð fugla að finna sér æti í morgun, áður en mokað var yfir úrgang­inn. Næsta stóra verk­efni Sorpu er að hefja þró­un­ar­starf með PVD ehf. og í sam­ein­ingu ætla fyr­ir­tækin að vinna olíu úr öllu því plasti sem berst í flokk­un­ar­stöð fyr­ir­tæk­is­ins í Gufunesi. „Það að nýta plast í olíu­fram­leiðslu ger­ir Sorpu kleift að end­ur­nýta allt það plast sem áður hefur farið í brennslu er­lend­is."
Mynd dagsins

Tíræður Blíðfari

„Hann var á grá­sleppu í fyrra­vor, en þá fór skrúfan af, orðin gegn­ryðguð. Enda er hann Blíðfari kom­inn á tíræð­is­aldur,“ sagði Hlöðver Krist­ins­son þar sem hann var að huga að bátnum niður við höfn­ina á Vogum á Vatns­leysu­strönd fyrr í dag. Nái frum­varp Sjáv­ar­út­vegs­ráð­herra fram, sem var lagt fram á Alþingi nú um dag­inn, verður mikil breyt­ing á veið­unum. Í stað veiði­daga, eins og verið hefur mörg und­an­farin ár, verður útgef­inn kvóti á grund­velli veiða und­an­far­inna ára. Grá­sleppu­ver­tíðin hefst venju­lega upp úr miðjum mars.