Mynd dagsins

Greinaröð
Mynd dagsins

Sig­tryggur gíraffi

Það er einn gíraffi í Hlíðunum, hann heitir Sig­tryggur og er úr járni. Í Afríku eru um 70.000 villtir gíraffar og hefur þeim fækkað um 40% á síð­ustu árum. Þetta eru stórar skepnur, full­orðnir vega þeir tonn og karl­dýrin verða um 5,5 metra há, kven­dýrin eru 40 cm lægri. Gíraffar eru hæstu skepnur jarðar og verða að með­al­tali 35 ára gamlir. IUCN sam­tökin hafa nýverið sett gíraffa á lista yfir þau dýr sem eru í alvar­legri hættu, næsta stig er rautt: útrým­ing­ar­hætta.
Mynd dagsins

Bruna­rústir á Bræðra­borg­ar­stíg

Það eru að nálg­ast sjö mán­uðir síðan kveikt var í hús­inu á horni Vest­ur­götu og Bræðra­borg­ar­stígs, þar sem þrjú ung­menni lét­ust. Óskilj­an­legt er að húsið standi enn, eins og minn­is­varði um þennan hörmu­lega atburð. Í skýrslu Húsnæðis- og mann­virkja­stofn­unar, sem birt var í lok síð­asta árs, kemur fram að húsið var „óbyggi­legt frá bruna­tækni­legu sjón­ar­horni“. Þegar brun­inn varð þann 25. júní voru 73 ein­stak­lingar með lög­heim­ili í hús­inu.
Mynd dagsins

Verði ljós

Norð­ur­ljósin voru óvenju sterk yfir höf­uð­borg­inni snemma í gærkveldi. Þessi und­ur­fal­legu ljós sem dansa í um 100 km hæð, verða til þegar hrað­fleygar raf­hlaðnar agnir frá sól­inni rekast í atóm og sam­eindir í loft­hjúpi jarðar. Á mynd­inni má líka sjá ljósið frá Frið­ar­súlu Yoko Ono, sem er til minn­ingar um eig­in­mann hennar, John Lennon. Venjan er að slökkt sé á Frið­ar­súl­unni á dán­ar­degi Lennon, þann 8. des­em­ber, en í ljósi aðstæðna í heim­inum fær hún að lýsa áfram, fram að jafn­dægri að vori.
Mynd dagsins

Gull­fal­legur foss

Á árinu 2019 komu hátt í tvær millj­ónir ferða­manna til að bera Gullfoss augum. Í morgun var ekki sála sjá­an­leg, við eða kringum þennan gull­fal­lega foss, sem er sam­tals 32 metra hár. Fossinn og gljúfrið, er nú í eigu okkar allra, en svæðið var frið­lýst árið 1979. Árinu áður var reistur minn­is­varði af Sigríði Tóm­as­dóttur frá Bratt­holti við foss­inn. En hún var í flokki for­víg­is­manna nátt­úr­verndar á Íslandi og barð­ist með oddi og egg gegn því að Gullfoss yrði virkj­aður á fyrri hluta síð­ustu aldar. Hita­stigið í morgun, mínus 12.
Mynd dagsins

Alþjóð­legt fyrir alþýð­una

Pálína Jóns­dóttir (mynd) leik­stjóri og skáldið Ewa Marcinek, stofn­uðu saman Alþjóð­lega leik­fé­lagið Reykja­vík Ensemble, árið 2019. Á síð­asta leik­ári sýndi leik­fé­lagið þrjú verk sem um 60 lista­menn komu að. Tveir þriðju þeirra voru af erlendum upp­runa - sann­ar­lega alþjóð­legt leik­hús. Pálína segir að það velti allt á því hvenær okkur tak­ist að koma böndum á Covid, hvern­ing eða hvort þetta leikár kom­ist á eitt­hvert flug. Leik­fé­lagið var valið List­hópur Reykja­víkur 2020.
Mynd dagsins

Sendi­ráðið í morg­unsárið

Það var þyngra en tárum taki að horfa á skríl, hvöttum áfram af Trump, her­taka þing­hús Banda­ríkj­anna í gærkveldi og nótt. Hins­vegar gladdi það í morg­unsárið að sjá að Biden og Harris voru stað­fest af þing­inu, sem rétt­kjör­inn for­seti og vara­for­seti þjóð­ar­innar. Enda var flaggað fyrir utan nýtt sendi­ráð Banda­ríkj­anna við Engja­teig­inn nú í morgun. Nú eru aðeins 13 dagar þangað til Trump lætur af emb­ætti, guði sé lof.
Mynd dagsins

„Menn geta dottið án þess að þekkja þyngd­ar­lög­málið“

Það stökk á mig bros þegar ég gekk fram­hjá Tómasi Guð­munds­syni, þar sem hann sat grímu­klæddur á bekk við Tjörnina í morgun. En auð­vitað hefur skáldið orðið sér úti um grímu, enda erfitt að halda 2ja metra fjar­lægð ef maður tyllir sér niður á bekk­inn við hlið hans. Samkvæmt Land­lækni er grímu­skylda þar sem ekki er unnt að tryggja 2ja metra nálægð­ar­tak­mörk milli ein­stak­linga sem ekki eru í nánum tengslum. Verkið af Tómasi er eftir Höllu Gunn­ars­dóttur mynd­höggv­ara og var sett upp árið 2010. *Fyr­ir­sögnin er spak­mæli eftir Tómas.
Mynd dagsins

Bleik­ál­óttur, Móvind­óttur og allt þar á milli

Nýjustu tölur um hrossa­fjölda hér­lendis eru frá 2017 en þá voru 64.679 hross í lýð­veld­inu. Íslenski hest­ur­inn hefur rúm­lega 40 grunn­liti og yfir hund­rað lita­af­brigði; kor­g­jarpur, mold­óttur, rauð­vind­óttur, tví­stjörn­óttur, nös­óttur, dökk­jarpur, lit­för­óttur sléttu­skjóttur o.s.frv. Rauður og brúnn eru þó algeng­ustu litir íslenska hests­ins... en hvað lit­ur­inn heitir á þeim fremsta, sem ég mætti á Eyr­ar­bakka nú í morgun, hef ég ekki hug­mynd um.
Mynd dagsins

HJÁLP

Rauði kross­inn heldur úti hjálp­ar­lín­unni 1717. Þar starfa 120 sjálf­boða­liðar allan sól­ar­hring­inn, alla daga árs­ins. Árið 2020 tóku þau á móti 24.000 sím­tölum. Sandra Björk Birg­is­dóttir, verk­efna­stjóri Hjálp­ar­sím­ans, segir spreng­ingu hafa orðið í fyrra, eða um 70% aukn­ingu frá árinu 2019. „Fólk er kvíðið vegna far­ald­urs­ins, ein­mana og margir í sjálfs­vígs­hug­leið­ingum. Mesta breyt­ingin er hve margir hafa hringt á nótt­unni, við höfum þurft að bæta við mann­skap á næt­ur­vökt­unum.“
Mynd dagsins

Suð­ur­flös og úti á Grenjum

Í morg­un­skímunni á Akranesi stilltu vit­arnir tveir á Suð­ur­flös sér upp fyrir mynda­töku.  Sá eldri og minni var reistur árið 1918, en sá stóri var tekin í notkun árið 1947. Næst lá leiðin vestur í slipp en þar úti á Grenjum húkir Höfr­ungur AK 91, en hann var smíð­aður af Skipa­smíða­stöð Þorgeirs & Ellerts á Akranesi fyrir útgerða­fé­lagið Harald Böðv­ars­son. Sann­kall­aður heima­bátur, sem hafði mikið aðdrátt­ar­afl fyrir þá sem nutu úti­vistar í veð­ur­blíð­unni í morgun.