Mynd dagsins

Greinaröð
Mynd dagsins

Inni­halds­lýs­ing

Dagurinn í dag er mik­ill gleði­dagur, nú þegar fyrstu ein­stak­ling­arnir eru bólu­settir með nýja bólu­efn­inu frá Pfizers / Biontechs. Inni­halds­lýs­ingin hljóðar svona : ((4-hydrox­ibu­tyl)azandiyl) bis (hexan-6,1 -diyl) bis (2-hexyldeka­noat)(ALC-0315) 2-((polyetylenglykol)-2000) -N,N-ditetradecylacetamid (ALC-0159)1,2-diste­aroyl-sn-glycero-3-fos­fokolin (DSPC), Kolesterol, Kali­um­klorid, Kali­umdi­vate­fos­fat, Nat­ri­um­klorid, Din­at­ri­um­fos­fat­di­hydrat, Sackaros, og vatn. Heimild; SVT.
Mynd dagsins

Háhýsi á háa­bakka

Fyrr á árinu flutti Haf­rann­sókn­ar­stofnun í nýtt timb­ur­hús við Háabakka í Hafn­ar­fjarð­ar­höfn. Húsið er það stærsta á land­inu, hvorki meira né minna en 4.100 fer­metrar að stærð og fimm hæða hátt. Möl er notuð milli hæða, bæði til að þyngja bygg­ing­una og hljóð­ein­angra í leið­inni. Í þessu nýja húsi fá hátt í 200 starfs­menn Hafró full­komna skrif­stofu og rann­sókn­ar­að­stöðu auk þess að hýsa Sjávar­útvegs­skóla Þróunar­sam­vinnu­mið­stöðvar UNESCO á Íslandi.
Mynd dagsins

Núll° í loft­inu

Þó svo loft­hiti væri bara 0°C og sjór­inn í Foss­vog­inum óvenju kaldur, aðeins 1,3°C, var á annað hund­rað manns búið að taka sund­sprett á fyrsta hálf­tím­anum eftir opnun klukkan 11:00 í morgun. Þeir sem stunda sjó­sund reglu­lega segja mestu hætt­una vera hvað sundið sé ávana­bind­andi. Fyrir þá sem eru að gæla við að prófa þennan heilsu­bæt­andi lífsmáta, þá opnar aftur næst­kom­andi mánu­dag, þann fjórða í jólum.
Mynd dagsins

Í níu­tíu ár

Í ár eru 90 ár liðin síðan fyrsti þjóð­garð­ur­inn, Þjóð­garð­ur­inn á Þing­völlum, var stofn­aður. Þá, eins og nú með verð­andi Hálend­is­þjóð­garð, voru hávær mót­mæli gegn því að friða landið á Þing­völlum. And­stæð­ingar frið­unar hálend­is­ins nota í dag mörg þau sömu rök og voru notuð gegn frið­lýs­ingu Þing­valla fyrir tæp­lega hund­rað árum. Í fyrra sóttu vel á aðra milljón ferða­manna Þing­velli heim.
Mynd dagsins

Marfló og mý

Í skýrslu sem fugla­fræð­ing­arnir Jóhann Óli Hilm­ars­son og Ólafur K. Nielsen birtu nú í vor, kom fram að ástandi Tjarn­ar­innar hefði hnignað síð­ast­liðin 15 ár. Helstu ástæð­urnar er fæðu­skortur, afrán, léleg afkoma and­ar­unga og hnignun búsvæða í og við Reykja­vík­ur­tjörn. Á síð­ustu árum hafa orðið miklar breyt­ingar á líf­rík­inu, mar­flóin er horfin og mýið að mestu leyti. Síðan herja hrafnar, mávar og kettir á fugl­ana. Þeir leggja til í skýrslu sinni að ráð­inn verði sér­stakur fugla­eft­ir­lits­maður, sem sinnir dag­legum þörfum fið­ur­klæddu íbúa Tjarn­ar­innar.
Mynd dagsins

Hælspyrna og hund­rað og eitt­hvað önnur lista­verk

Gleðileg jól, heitir sýn­ing tæp­lega 110 lista­manna sem er nú Ásmund­ar­sal, sem Prent & vinir hafa veg og vanda af. Fremst á mynd­inni er verkið Hælspyrna eftir þær stöllur í Gjörn­inga­klúbbnum, Eirúnu Sig­urð­ar­dóttur og Jóní Jóns­dóttur. Sýningin stendur fram á Þor­láks­messu en vegna sam­komu­tak­markanna þarf að panta tíma til að sjá og upp­lifa þessa skemmti­legu árlegu sölu­sýn­ingu.
Mynd dagsins

Með windinn í fangið

Raf­skútur í Reykja­vík­ur­borg voru hvorki fleiri né færri en 1.100 þegar mest var í haust. Eins snið­ugur og þessi ferða­máti er, þá þarf nauð­syn­lega að setja betra reglu­verk um raf­skút­urnar, sem margar hverjar eru skildar eftir á óheppi­legum stöðum bæði fyrir hjólandi og gang­andi veg­far­endur. Það eru fjögur fyr­ir­tæki sem keppa um mark­að­inn hér í Reykja­vík og heita þau öll ramm­ís­lenskum nöfnum: Zolo, Hopp, Wind og Kikk.