Mynd dagsins

Greinaröð
Mynd dagsins

Systra­lag

„Unaður er heilandi og sjálfs­fróun er besta leiðin til þess að róa tauga­kerfið og auka gleði­horm­ónin.“ segir Rósa María Ósk­ars­dóttir, Bodysex leið­bein­andi með meiru. „Á nám­skeið­inu komum við saman naktar og losum okkur við nei­kvæðar lík­ams­í­myndir, til að blómstra kyn­ferð­is­lega.“ Hafir þú áhuga á að kom­ast í tæri við þessa gleði, má geta þess að Rósa María, ásamt femíníska lista­hópnum AFSAKIÐ, er að vinna að sýn­ingu sem opnar í Ásmund­ar­sal strax á nýju ári.
Mynd dagsins

Og úti fyrir hvíla höf og grandar

Það er erfitt fyrir full­frískan ein­stak­ling að drukkna í Tjörn­inni, þar sem hún er ein­ungis 50cm djúp. Tjörnin er griðland fugla en þar stoppa við hátt í 50 teg­undir til lengri eða skemmri tíma. Þar af eru sjö anda­teg­undir sem verpa í og við Tjörnina, auk þess verpa þar bæði álftir og kríur. Á vissum tíma, líkt og nú, eru síla­mávarnir mjög áber­andi, ásamt örfáum svart­bökum. Fyr­ir­ferða­mestar eru þó braut­metis-sólgnu grá­gæs­irnar.
Mynd dagsins

Allir fá þá eitt­hvað fal­legt...

Það er fátt nota­legra nú á aðvent­unni en leggja leið sína niður í miðbæ og kíkja í búð­ar­glugga, sjá eitt­hvað fal­legt til að gefa vinum og fjöl­skyldu. En versl­un­ar­mynstrið hjá okkur er að breyt­ast hratt. Samkvæmt nýrri könnun Zenter rann­sókna ætla sex af hverjum tíu Íslend­ingum að versla jóla­gjaf­irnar á net­inu þetta árið. Annað sem hefur breyst mikið frá í fyrra, er að hlut­fall milli erlendra og inn­lendra vef­versl­ana er nú hnífjafnt. Send­ingar hjá Póstinum vegna inn­lendrar net­versl­unar juk­ust um 120% nú í nóv­em­ber, á meðan pakkar frá erlendum vef­versl­unum dróg­ust örlítið saman milli ára.
Mynd dagsins

Man ein­hver síma­númer lengur?

Árið 1906 kom sím­inn til Íslands, nánar til­tekið til Seyð­is­fjarðar með sæstreng frá Skotlandi, í gegnum Færeyjar. Bændur fjöl­menntu til Reykja­víkur það ár, til að mót­mæla lagn­ingu síma­línu þvert í gegnum sveitir lands­ins - þeir höfðu nefni­lega trölla­trú á því að sím­inn yrði fljót­lega þráð­laus. Það kom líka á dag­inn, reyndar átta­tíu árum seinna. Í dag eru 115.992 með virkar fast­línu­á­skriftir (stór hluti fyr­ir­tæki) og hvorki fleiri né færri en 475.842 far­síma­númer eru í notkun hjá þjóð sem telur bara 360 þús­und sálir.
Mynd dagsins

Næt­ur­vinna

Lög­reglu­menn, lása­smiðir og læknar á Land­spít­al­anum Háskóla­sjúkra­húsi eru aðeins partur þeirra mörgu starfs­stétta sem halda sam­fé­lag­inu gang­andi, allan sóla­hring­inn. Alltaf á vakt. Á Land­spít­al­anum eru um eitt þús­und starfs­menn í ótal starfs­greinum sem halda starf­sem­inni gang­andi á nótt­unni. Ein þeirra er Jewelly frá Fil­ipps­eyjum. Hún hefur unnið þar í þrjú ár og passar upp á að öllum líði vel. Ómet­an­legt fyrir þá mörgu gesti, hvort sem þeir stoppa stutt eða lengi.
Mynd dagsins

6 plús sex + mínus 1

Lax­ár­dæl­ing­ur­inn, Félags- og barna­mála­ráð­herra, Ásmundur Einar Daðason er að leggja fram á Alþingi rík­is­stjórn­ar­frum­varp um fæð­ingar- og for­eldra­or­lof. Nýju lögin taka við lögum sem sett voru fyrir tutt­ugu árum, og þóttu þá fram­sækin. Helstu breyt­ingar sem lagðar eru til í frum­varp­inu er leng­ing fæð­ing­ar­or­lofs í 12 mán­uði vegna barna sem fæð­ast, eru ætt­leidd eða tekin í var­an­legt fóstur frá 1. jan­úar 2021. Reikn­aður kostn­aður rík­is­ins vegna fæð­ing­ar­or­lofs­ins næsta ár eru rúmir 19 millj­arðar. Og þetta segir ráð­herra um frum­varpið: „Með þessu frum­varpi erum við að auka enn á rétt­indi for­eldra til sam­vista með börn­unum sínum á fyrstu mán­uð­unum ævi þeirra.“
Mynd dagsins

Hvít blá fjöll

Það var fal­legt í Blá­fjöllum í morgun (him­in­inn er ekki photosjopp­aður - var svona). Ekki er vitað hvenær skíða­svæðið getur opnað, ekki vegna snjó­leysis heldur vegna veirunnar sem herjar á heims­byggð­ina. Í fyrra var opið í Blá­fjöllum í 57 daga og mættu sam­tals rúm­lega 80.000 á svæðið. Þegar mest gekk á mættu 6.000 manns á einum degi, þá auð­vitað bæði í lyft­urnar og á göngu­skíða­svæðið sem hefur aldrei verið vin­sælla en síð­ast­lið­inn vetur. Enda til fyr­ir­myndar á allan hátt.
Mynd dagsins

Leitið og þér munuð finna

Lög­reglu­mað­ur­inn Guð­mundur Fylk­is­son hefur und­an­farin sex ár gegnt því erf­iða starfi að finna börn og ung­menni sem týn­ast. Það eru um 250 mál á ári sem koma inn á borð til hans og flest leys­ast þau far­sæl­lega. Á föstu­dag­inn fékk hann úr hendi Forseta Íslands við­ur­kenn­ingu Barna­heilla - Save the Children, fyrir störf sín í þágu barna og ung­menna í vanda. „Þetta er dag­vinna, frá átta á morgn­anna til sjö fimm­tíuo­gníu dag­inn eftir. Maður þarf oft að hafa skjótar hendur, og sím­ann minn þekkja þau flest - hann er alltaf opinn. Fyrir þau sem ekki vita er núm­erið: 843 1528," sagði Guð­mundur og rauk af stað.