Áslaug Arna Sig­ur­björns­dóttir dóms­mála­ráð­herra hefur lýst yfir áhuga á aðskiln­aði ríkis og kirkju og hyggst setja af stað vinnu við und­ir­bún­ing þess á næsta ári. Nýr samn­ingur ríkis og kirkju, sem for­veri hennar í starfi und­ir­rit­aði, tryggir hins vegar greiðslur til þjóð­kirkj­unnar næstu 15 ár hið minnsta. Þing­maður Pírata segir samn­ing­inn festa þjóð­kirkj­una í sessi og sum ákvæði hans and­stæð lögum.

Samkvæmt samn­ingnum, sem þrír ráð­herrar og biskup und­ir­rit­uðu í sept­em­ber, mun íslenska ríkið greiða árlega rúma 2,7 millj­arða króna til þjóð­kirkj­unnar og tekur upp­hæðin breyt­ingum í sam­ræmi við verð­lag og kjara­samn­inga BHM. Samn­ing­ur­inn hefur ekki áhrif á aðrar greiðslur til þjóð­kirkj­unnar sem lög kveða á um og er óháður öðrum tekjum sem þjóð­kirkjan aflar sér.

Samn­ing­ur­inn verður ekki end­ur­skoð­aður í að minnsta kosti 15 ár og samn­ings­að­ilar geta ekki kraf­ist breyt­inga á grund­velli fjölg­unar eða fækk­unar með­lima þjóð­kirkj­unnar. „Samn­ingur þessi er ótíma­bund­inn, en samn­ings­að­ilar geta hvor um …