Birgitta Jónsdóttir, stjórnarformaður International Modern Media Institute og fyrrverandi þingkona Pírata, tók þátt í pallborðsumræðum á ráðstefnu í Jalta á Krímskaga í apríl 2018.
Ráðstefnan, Yalta International Economic Forum, er fjármögnuð af rússneskum yfirvöldum, „Krímlýðveldinu“ svokallaða, og þjónar mikilvægu áróðurshlutverki fyrir Rússa í tengslum við Úkraínustríðið og innlimun Krímskaga.
„Ég var í panel með fjölda annarra og ræddi meðal annars um mikilvægi þess að fjölmiðlar fái að starfa sjálfstætt án afskipta yfirvalda,“ segir Birgitta aðspurð um málið.
„Ég talaði líka um mikilvægi listamanna eins og Pussy Riot sem eru með beitta samfélagsrýni í sínum verkum. Svo ræddi ég við aðra ráðstefnugesti um alls konar hluti, til dæmis hvar við vorum og við hvaða kringumstæður við vorum þarna.“
Pútín sendi gestum góða kveðju
Ráðstefnugestir fengu heillaóskir frá Vladímír Pútín Rússlandsforseta og gefið var út blað í tilefni ráðstefnunnar með drottningarviðtali við hann. Fjöldi evrópskra stjórnmálamanna sótti samkunduna, meðal annars liðsmenn hægripopúlistaflokka á borð við Þjóðfylkingu Frakklands og Alternative für Deutschland.
Auk Birgittu sóttu ráðstefnuna þær Sara Elísa Þórðardóttir, varaþingkona Pírata, og Eva Lind Þuríðardóttir, fyrrverandi meðlimur í framkvæmdaráði flokksins. „Það var greitt fyrir flug og gistingu eins og er krafa sem ég hef ef ég mæti á ráðstefnur,“ segir Birgitta.
Sara minntist nýlega á ferðina í viðtali við Stundina þar sem hún lýsti reynslu sinni af því að vinna með Birgittu. „Þarna kynntist ég hlið á Birgittu sem mér rennur kalt vatn milli skinns og hörunds við að rifja upp. Það tók mig töluverðan tíma að jafna mig,“ sagði hún. „Það voru mistök að fara í þessa ferð.“
Framvísuðu vegabréfum til að fá símkort
Birgitta segist hafa boðið Söru með sér á ráðstefnuna. „Þegar ég ákvað að þekkjast boðið þá bauð ég Söru með til þátttöku en þegar á hólminn var komið óttaðist hún að það gæti haft slæm áhrif á hennar stjórnmálaferil ef það myndi spyrjast út og fyrir vikið eyddi hún mestum tíma sínum í herberginu sínu.“
Sara segir hins vegar í samtali við Stundina að Birgitta hafi fengið sig með í ferðina á þeim forsendum að til stæði að vera með uppsteyt af einhverju tagi, gagnrýna mannréttindabrot og hernaðarbrölt Rússa. Þegar ljóst varð að af því yrði ekki hafi hún séð eftir því að hafa slegist í hópinn.
Stjórnmálaflokkar
Guðmundur Andri sammála nálgun Guðjóns í máli Þórhildar Sunnu
Áhrifafólk í Pírötum fordæmir „opinbera aðför“ gegn Birgittu Jónsdóttur
Sjálfstæðismenn ætla að ganga um með buff merkt flokknum
Fékk kökk í hálsinn: „Þetta var þá ekki allt saman bara í hausnum mér“
„Birgitta er ekki þolandi heldur gerandi“
Athugasemdir