Ráðherra breytir reglugerð eftir þrýsting frá almenningi: Opnar á efnismeðferð fyrir Zainab og Sarwari-bræður

Þórdís Kolbrún Reyk­fjörð Gylfa­dóttir dóms­mála­ráð­herra hefur gert breyt­ingar á reglu­gerð um útlend­inga sem fela í sér að Útlend­inga­stofnun fær heim­ild til að taka hæl­is­um­sóknir barna, sem hlotið hafa vernd í öðru ríki, til efn­is­með­ferðar ef liðið hafa meira en 10 mán­uðir frá því að umsókn var lögð fram á Íslandi, svo lengi sem tafir á afgreiðsl­unni eru ekki barn­inu sjálfu að kenna.

Með þessu opn­ast fyrir þann mögu­leika að afgönsku fjöl­skyld­urnar sem fjallað hefur verið í fjöl­miðlum fái umsóknir sínar teknar til efn­is­legrar með­ferðar og þá hugs­an­lega vernd.

Fjölmenn mót­mæli fóru fram í mið­borg Reykja­víkur í gær þar sem kraf­ist var mann­úðar í útlend­inga­málum og kallað eftir því að komið yrði í veg fyrir brott­vísun Sarwari-feðganna og Safari-fjöl­skyld­unnar, barna­fólks sem þegar hefur fengið vernd í Grikk­landi þar sem aðstæður eru slæmar. Breyt­inga­reglu­gerðin er sett í beinu fram­haldi af þessu ákalli almenn­ings og öðl­ast þegar gildi.