Reimar Pét­urs­son, lög­maður Mið­flokks­manna telur „óræka sönnun“ liggja fyrir um að Bára Hall­dórs­dóttir hafi verið búin að und­ir­búa sig kyrfi­lega sínar þegar hún hljóð­rit­aði sam­skipti þing­manna Mið­flokks­ins á Klaustri bar. Bára hljóti að hafa aflað sér sér­staks upp­töku­bún­aðar, lært á hann og æft aðgerðir sínar. Raunar hafi aðgerðin verið svo þaul­skipu­lögð, umfangið slíkt, að hún sé vart á færi einnar mann­eskju. 

Þetta er á meðal þess sem fram kemur í ákvörðun Per­sónu­verndar þar sem kröfu Mið­flokks­manna um frek­ari gagna­öflun vegna Klaust­urs­máls­ins er hafnað. Per­sónu­vernd telur kröfur þing­mann­anna um að fá afhentar upp­lýs­ingar um sím­töl, smá­skila­boð og greiðslur ein­stak­lings ekki sam­ræm­ast þeim laga­heim­ildum sem stofn­unin hefur.

Mið­flokks­menn telja að mynd sem tekin var fyrir utan Klaustur bar og barst Stund­inni eftir að blaðið hóf umfjöllun um Klaust­urs­málið hafi verið tekin af Báru sjálfri.

Þá er haft eftir lög­manni þeirra að eftir atburð­ina á Klaustri hafi „ómældur tími hafi farið í skipu­lagn­ingu og aðgerðir til úrvinnslu efnis“, gengið hafi verið til aðgerða „með skipu­lögðum og ein­beittum hætti og að sú frá­sögn sé fjar­stæðu­kennd að þær hafi verið ákveðnar í ein­hvers konar fljót­færni“. 

„Ómældur tími hafi farið í skipu­lagn­ingu
og aðgerðir til úrvinnslu efnis“

Bára er sökuð um ósann­indi og frá­sögn hennar sögð sam­heng­is­laus auk þess sem full­yrt er að aðgerðir hennar hafi verið með þeim hætti að „fleiri en einn hafi þurft til þar sem fylgj­ast hafi þurft með ferðum manna, afla sér bún­aðar, læra á hann og útfæra og æfa aðgerðir. Slíkt sé tæp­ast á færi einnar mann­eskju“.