Þjón­ustu­gjöld bank­anna hafa hækkað langt umfram verð­lag, þrátt fyrir hag­ræð­ingu bank­anna í formi lok­unar úti­búa og auk­innar raf­rænar þjón­ustu. Þetta kemur fram í úttekt verð­lags­eft­ir­lits ASÍ.

„Dýrt er að sækja sér þjón­ustu í útibú eða í síma­ver en gjöld tengd slíkri þjón­ustu hafa hækkað mikið á síð­ustu árum auk þess sem ýmsir þjón­ustu­liðir hafa bæst við sem ekki voru til áður,“ segir í til­kynn­ingu ASÍ. „Þá rukka bank­arnir við­skipta­vini enn fyrir ýmsan kostnað sem á ekki við í dag eins og FIT kostnað. Gjald­skrár bank­anna eru þar að auki afar flóknar og ógagn­sæjar sem gerir neyt­endum erfitt fyrir að átta sig á kostn­aði eða gera sam­an­burð milli banka.“

Þá kemur fram að gjald­liðir bank­anna nemi hund­ruðum og erfitt sé að bera þá saman á milli banka þar sem þeir heiti mis­mun­andi nöfnum.

„Bank­arnir eru farnir að rukka hærri gjöld fyrir þjón­ustu sem krefst aðstoðar þjón­ustu­full­trúa, hvort sem það er í gegnum síma eða í úti­búi á meðan þjón­ustan kostar mun minna eða ekk­ert ef fólk fram­kvæmir aðgerð­irnar sjálft,“ segir í til­kynn­ing­unni. „Þannig hefur Arion banki tekið upp fast afgreiðslu­gjald upp á 195 kr. fyrir aðgerðir sem fram­kvæmdar eru af þjón­ustu­full­trúa en ýmsir liðir kosta þó tölu­vert meira. Mestur er verð­mun­ur­inn á afgreiðslu­gjaldi vegna inn­lagnar reiðu­fjár í annan banka sem kostar 495 kr. hjá Arion banka, 375 kr. hjá Íslands­banka og 100 kr. hjá Lands­bank­anum en það gerir 375% verð­mun á hæsta verð­inu hjá Arion og því lægsta hjá Lands­bank­anum.“

Helmingi færri útibú og 1.500 færri starfsmenn

Í til­kynn­ingu ASÍ kemur fram að úti­búum bank­anna hafi fækkað úr 146 í 74 og starfs­mönnum fækkað úr 4326 í 2850, eða um tæp­lega 1500 manns. Á síð­ustu þremur árum hafi banka­kostn­aður hins vegar hækkað um 11% og kostn­aður við greiðslu­kort um 19%. Vísitala neyslu­verðs á sama tíma hækk­aði um 7% og verð­bólgu því ekki hægt að kenna um alla hækk­un­ina.

„Það vekur því nokkra furðu að verð­hækk­anir þeirra séu jafn­miklar og raun ber vitni,“ segir í til­kynn­ing­unni. „Þrátt fyrir að ein­hver munur sé á verð­lagn­ingu bank­anna virð­ist lítil sam­keppni vera í verð­lagn­ingu milli þeirra. Ef einn banki hækkar gjöld virð­ist næsti fylgja á eftir með svip­aðar verð­hækk­anir. Það er því ekki að sjá að bank­arnir reyni að keppa um við­skipta­vini í verði og ein­kenn­ist mark­að­ur­inn af fákeppni.“

Fram kom í til­kynn­ingu í síð­ustu viku að þýski net­bank­inn N26 hyggð­ist hefja starf­semi hér á landi, en banka­reikn­ingar N26 eru í evrum.