„Það mátti aldrei tala við Heiðu um hvað hún væri veik“

Heiða Dís Ein­ars­dóttir lést úr leg­hálskrabba­meini 23 ára gömul haustið 2012. Hún hafði farið í leg­hálskrabba­meins­leit eins og konum er ráð­lagt að gera reglu­lega og hafði sýnið verið hreint í nóv­em­ber 2010. Gerðir voru heim­ilda­þættir um Heiðu Dís og bar­áttu hennar bæði hér á landi og í Danmörku þar sem hún bjó. Hún vildi vekja athygli stúlkna og kvenna á nauð­syn þess að fara reglu­lega í leg­hálskrabba­meins­leit. Faðir hennar, Einar Hólm Jónsson, leggur áherslu á það sama og bendir á að það sé minna mál að fara í skoðun heldur en að grein­ast með krabba­mein og upp­lifa þær kvalir og þá sál­ar­ang­ist sem dóttir hans þurfti að gera.

Heiða fædd­ist á Akureyri 15. ágúst árið 1989 og lést í Danmörku haustið 2012. Hún var 23 ára. Heiða var elsta dóttir Einars Hólm Jóns­sonar en hann og móðir Heiðu eign­uð­ust saman tvær dætur. Leiðir þeirra skildu og síðar eign­að­ist Einar …