Þvingaðar af sýslumanni til að umgangast föðurinn sem misnotaði þær

„Ég man ekki eftir því að hann hafi sagt að hann elskaði mig án þess að tala í kjöl­farið um að hann hefði aldrei gert mér neitt. En hann hafði mis­notað mig, ég hef alltaf vitað það.“

Konan sem hér talar er 32 ára gömul, fædd árið 1986, dóttir sér­fræð­ings í ráðu­neyti. Við köllum hana Guðrúnu. For­eldrar Guðrúnar skildu í kjöl­far þess að hún sak­aði föður sinn um kyn­ferð­is­of­beldi. Í kjöl­farið upp­hófst deila um umgengni við dæt­urnar tvær. Dæturnar, sem fara fram á nafn­leynd, segja hér sögu sína. 

Móðir þeirra vildi í fyrstu að faðir þeirra héldi áfram að umgang­ast börnin en undir tak­mörk­unum og eft­ir­liti, en hann vildi ekki una því. Að lokum tók móðir þeirra þá afstöðu að stöðva þyrfti alla umgengni föð­ur­ins við dæt­urnar, en yngri systir hennar, sem hér eftir verður kölluð Helena, segir frá því hvernig faðir hennar mis­not­aði hana í þving­aðri umgengni.