Tvisvar sinnum með átta ára milli­bili hefur barns­faðir Þóru Bjarkar Ottesen, Gary Clarke, beitt grófu ofbeldi í sam­skiptum við hana og fjöl­skyldu hennar. Það gerð­ist fyrst í kjöl­far þess að Þóra tók ákvörðun um að binda enda á sam­bandið. Þá tók hann hana háls­taki á heim­ili þeirra og hót­aði henni líf­láti. Sonur þeirra, tveggja ára, varð vitni að aðför­unum sem Þóra þakkar að ekki fór verr, því hann hafi beðið pabba sinn að hætta. Þóra flúði þá heim til for­eldra sinna með dreng­inn. Nokkrum vikum seinna birt­ist hann þar, braust þar inn og gekk í skrokk á föður Þóru, svo stórsá á honum. Eftir nálg­un­ar­bann, umgengni aðra hverja helgi sam­kvæmt úrskurði sýslu­manns og stopul en oft erfið sam­skipti um átta ára skeið end­ur­tók sagan sig í sumar, þegar Gary skall­aði Þóru, fyrir framan son hennar og vini hans á körfu­bolta­æf­ingu. Ítrek­aðar til­raunir til að fá mark­vissa aðstoð, hvort sem var …