Fréttir

Unga fólkið vill aðskilnað ríkis og kirkju

Ný könn­un sýn­ir að um 56 pró­sent Ís­lend­inga vilja að­skiln­að rík­is og kirkju. Ungt fólk, Reyk­vík­ing­ar og kjós­end­ur Pírata eru lík­leg­ast­ir til að vilja að­skiln­að.

Unga fólkið vill aðskilnað ríkis og kirkju
Mynd: Shutterstock
Birtist upphaflega í Stundinni fyrir 8 árum.

Rúmlega 55 prósent Íslendinga eru hlynntir aðskilnaði ríkis og kirkju á meðan hátt í 22 prósent eru andvígir aðskilnaði. Þá eru tæplega 23 prósent í meðallagi hlynntir eða andvígir. Þetta er á meðal þess sem kemur fram í nýrri könnun sem Maskína gerði í samstarfi við Stundina. 

Töluverður munur er á afstöðu fólks eftir aldri, en yngri aldurshópar eru mun líklegri til að vera hlynntir aðskilnaði ríkis og kirkju en þeir sem eru eldri. Þannig eru rúmlega 75 prósent svarenda á aldrinum 18 til 29 ára hlynntir aðskilnaði ríkis og kirkju, en aðeins 8,6 prósent í þeim aldurshópi eru andvígir. Hins vegar eru 40 prósent þeirra sem eru á aldrinum 60 ára og eldri hlynntir aðskilnaði, en 34,8 prósent eru andvígir. 

Búseta hefur einnig áhrif á afstöðu fólks til aðskilnaðar, en 64,4 prósent Reykvíkinga eru hlynntir aðskilnaði ríkis og kirkju á meðan einungis 37,5 prósent íbúa á Norðurlandi vilja aðskilnað. Alls eru 56,5 prósent íbúa á Vesturlandi og Vestfjörðum hlynnt aðskilnaði, 52,9 íbúa í nágrannasveitarfélögum Reykjavíkur, 47,8 prósent íbúa á Austurlandi og 46,9 prósent íbúa á Suðurlandi og Reykjanesi.

Afstaða fólks til aðskilnaðar ríkis og kirkju er einnig breytileg eftir stjórnmálaskoðunum. Rúmlega 89 prósent þeirra sem kjósa Pírata eru hlynntir aðskilnaði og aðeins rúmlega sex prósent eru andvígir. Kjósendur Miðflokksins eru ólíklegastir til að vilja aðskilnað ríkis og kirkju, en 19,4 prósent þeirra sem kjósa Miðflokkinn eru hlynntir aðskilnaði en 39,5 prósent eru andvígir aðskilnaði. Þá segjast 75,5 prósent kjósenda Vinstri grænna vilja aðskilnað, 70,1 prósent kjósenda Viðreisnar og 62,3 prósent kjósenda Samfylkingarinnar. Meiri andstöðu var að finna meðal kjósenda annarra flokka; 23,7 prósent kjósenda Flokks fólksins eru hlynntir aðskilnaði, 26,3 prósent kjósenda Framsóknarflokksins og 37,4 prósent kjósenda Sjálfstæðisflokksins.

Maskína spurði síðast um afstöðu til aðskilnaðar ríkis og kirkju árið 2015. Ekki er marktæk breyting á afstöðu milli 2015 og 2018 en árið 2015 sögðust 49 prósent landsmanna vera hlynntir aðskilnaði. 

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.
Samfylkingin klofnar vegna brottfararstöðvar: Hvað annað átti að gera?
4
Stjórnmál

Sam­fylk­ing­in klofn­ar vegna brott­far­ar­stöðv­ar: Hvað ann­að átti að gera?

Þing­nefnd­in sem fjall­aði um ný­sam­þykkta brott­far­ar­stöð fékk ábend­ing­ar og hug­mynd­ir að minnst tíu öðr­um leið­um sem hægt væri að fara en að setja börn í lok­að úr­ræði í brott­far­ar­stöð. Sam­fylk­ing­in virð­ist klof­in í af­stöðu sinni til máls­ins þó að þingl­ið flokks­ins hafi hreykt sér af sam­þykkt lag­anna.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Mest lesið undanfarið ár