Körfuknattleiksmaður fékk uppreist æru fimm árum eftir nauðgunardóm

„Eftirsjá og iðrun er algjör,“ segir í með­mælum frá fyrrum þjálf­ara Sigurðar Ágústar Þor­valds­sonar sem fékk upp­reist æru sama dag og Robert Downey og Hjalti Sigurjón Hauksson.

Sigurður Ágúst Þor­valds­son, körfu­bolta­maður í meist­ara­flokki KR og fyrr­ver­andi lands­liðs­maður, er í hópi þeirra sem fengu upp­reist æru í fyrra. Þetta sýna gögn sem dóms­mála­ráðu­neytið afhenti Stund­inni í dag. Sigurður var dæmdur í tveggja ára fang­elsi fyrir nauðgun á 17 ára stúlku árið 2011.

„Ef hægt væri að skrifa bók um hvernig fólk á að koma sér aftur út í lífið þá er saga Sigurðar Ágústar kjörin til þess,“ segir í með­mælum sem fyrr­ver­andi þjálf­ari Sigurðar veitir honum. „Eftirsjá og iðrun er algjör og ein­beit­ingin á að eiga gott líf með sinni fjöl­skyldu og vinum er alls­ráð­andi.“ 

Meðmæli frá sam­starfs­manni Sigurðar af vinnu­stað segja sömu sögu: „Við höfum átt við­ræður um orsök og afleið­ingar þess dóms sem hann hlaut og er aug­ljós eft­ir­sjá og iðrun hjá honum vegna þessa.“

Hér­aðs­dómur og Hæsti­réttur, komust að þeirri nið­ur­stöðu 2010 og 2011 að full­sannað væri að Sigurður hefði brotið gegn stúlkunni og not­fært sér að hún hefði ekki getað spornað gegn verkn­aði hans vegna svefn­drunga sem var rak­inn til þreytu og áfeng­is­drykkju. 

Sigurður neit­aði stað­fast­lega sök en gekkst þó við því að hafa haft sam­ræði við hana. Í dóm­inum er haft eftir stúlkunni að hún hafi vaknað við að hann væri ofan á sér, brugð­ist við með því að öskra og hlaupa út en hann kallað á eftir henni: „Þú veist að ég á fjöl­skyldu“.

Hann lauk afplánun í nóv­em­ber árið 2012 og sótti um upp­reist æru sum­arið 2016. Tillagan var sam­þykkt af Ólöfu Nordal, þáver­andi inn­an­rík­is­ráð­herra, sama dag og þeir Hjalti Sigurjón Hauksson og Robert Downey fengu upp­reist æru.

 

*Árétting rit­stjórnar. Í upp­haf­legri útgáfu frétt­ar­innar var sagt að yfir­maður Sigurðar hefði veitt honum með­mæli þegar sótt var um upp­reist æru, en við­kom­andi er sam­starfs­maður hans, ekki yfir­maður.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár