Stendur með því sem hjartað segir að sé rétt

„Ég hef alltaf gert tón­list. En hún fór ekki að verða að vinnu fyrr en 2019, myndi ég segja,“ segir Ásdís María, aðspurð um hvenær hún byrj­aði að búa til músík. Á skömmum tíma hefur Ásdís fjórum sinnum verið með lag á topp-tíu-vin­sælda­lista útvarps­stöðva í Þýska­landi, þar af eitt lag í fyrsta sæti. Nýverið gaf hún út lagið Touch Me sem rauk strax upp í átt­unda sæti. Þá var lag eftir hana til­nefnt sem popp­lag árs­ins í Þýska­landi nú 2024.

Raunar á þetta við­tal sér sér­kenni­legan aðdrag­anda því blaða­maður var á ferð í Berlín ásamt stjúp­dóttur sinni af fyrra sam­bandi sem spurði: „Ætlarðu ekki að taka við­tal við Ásdísi? Hún er orðin popp­stjarna hérna!“

Blaða­mann rám­aði í Ásdísi á ung­lings­árum, frjáls­legri í fasi, en hafði ekki áttað sig að sú Ásdís væri sú sama og sú sem kvaðst sam­visku sinnar vegna ekki geta fylgt sig­ur­lagi sínu eftir í …