Undrafæðan rauðrófa

Rauðrófa (beta vulgaris) eða rauð­beða eins og hún er líka kölluð, er tvíær, ber ávöxt fyrra árið en fræ það seinna, er rót­ar­græn­meti og er skyld syk­ur­rófu. Afbrigði rauðróf­unnar óx villt fyrr á öldum með­fram ströndum víða í Evrópu og var notað sem lækn­inga­jurt og skyldi engan undra. Raurófa er afar rík af vítamínum, nítrötum og trefjum og hafa vís­inda­rann­sóknir gefið til kynna að hún hafi heilsu­efl­andi áhrif. Virku efnin í rauðrófu sem einkum er sóst eftir eru nítröt og betalaín og er hægt að fá þau í ríku­legu magni í rauðrófusafa eða í hylkjum eða töflum sem inni­halda rauðrófu­duft.

Það voru rann­sóknir á fæði fólks á Mið­jarð­ar­hafs­svæð­inu sem leiddi vís­inda­menn að rauðróf­unni og heilsu­bæt­andi eig­in­leikum hennar. Tíðni dauðs­falla af völdum hjarta- og æða­sjúk­dóma á þessu svæði var ekki jafnhá og ann­ars staðar í Evrópu. Fæði þessa fólks ein­kennd­ist af græn­meti og ávöxtum sem leiddi til vax­andi áhuga vís­inda­manna …