„Ég er bara mjög meðvirkur“

Lækna­stofa Árna Tómasar Ragn­ars­sonar er í miðbæ Reykja­víkur, á næstefstu hæð. Þar hefur hann komið sér vel fyrir, sett hvers konar myndir á vegg­ina, en líka ljóða­brot, blaða­úr­klippur og jafn­vel skop­myndir. Þarna er til­vitnun í Albert Einstein, eft­ir­prentun af mál­verki eftir Francisco Goya, plakat með högg­mynd af nak­inni konu, bangsi í líki hunds og jukka sem engin leið er að fylgja hvernig greinar hennar hafa vaxið í gegnum árin. Í öðrum blóma­potti er beina­grind úr plasti. 

Ósáttur við sviptinguna

Und­an­farin ár hefur Árni Tómas skifað út mor­fín­lyf fyrir tugi manns með fíkni­sjúk­dóm. „Fíklana mína,“ kallar hann þá, menn­ina sem leita til hans og hafa fengið upp­á­skrifað mor­fín sem þeir sækja á hverjum degi í apó­tekið, einn dag­skammt í einu. Þegar land­læknir svipti Árna Tómas starfs­leyfi til að skrifa út verkja­lyf, kvíða­lyf og svefn­lyf var hann sann­ar­lega ósáttur, kall­aði það „bölv­aða vit­leysu“ en lét engan bil­bug á sér finna …