Flóttamennirnir sem sumir telja ógn: „Við viljum bara dósir“

Sex flótta­menn frá Venes­ú­ela, sem búa í JL-hús­inu við Hring­braut á vegum Reykja­vík­ur­borgar, tína allir dósir og flöskur víðs vegar um Reykja­vík og nágranna­sveit­ar­fé­lög til að ná sér í pen­inga. Á meðan þeir bíða eftir svari frá íslenskum yfir­völdum um hvort þeir fái vernd hér á landi eða ekki mega þeir ekki vinna. Sex­menn­ing­arnir hafa allir beðið eftir svari við því hvort þeir fái vernd hér á landi í fimm mán­uði til eins árs.

Óljóst er hvort þeir fá að setj­ast að hér á landi eftir að íslensk yfir­völd hættu að veita Venes­ú­ela­búum sjálf­krafa vernd á þeim grund­velli að ástandið í land­inu hafi batnað svo mikið. Nú mun Útlend­inga­stofnun taka mál hvers flótta­manns fyrir og meta umsókn við­kom­andi út frá sér­tækum for­sendum. Menn­irnir bíða eftir úrskurði kæru­nefndar útlend­inga­mála um hvort …