Allt í allt eru 16,6 pró­sent íbúð­ar­hús­næðis á Akureyri í eigu ein­stak­linga og lög­að­ila sem eru með skráð heim­il­is­festi utan sveit­ar­fé­lags­ins. Alls eru 1.442 íbúðir á Akureyri í eigu fólks eða félaga sem búa eða hafa aðsetur utan sveit­ar­fé­lags­ins. Formaður bæj­ar­ráðs segir stöð­una geta verið áhyggju­efni í sam­hengi við mögu­leika ungs fólks til að kom­ast inn á hús­næð­is­markað en að sama skapi fylgi stöð­unni einnig jákvæð áhrif.

Tölur þessa efnis má finna í svari Sigurðar Inga Jóhanns­sonar inn­við­a­ráð­herra við fyr­ir­spurn þing­manns Við­reisnar, Hönnu Katrínar Frið­riks­son, sem spurði um fjölda íbúða í eigu ein­stak­linga og lög­að­ila í sveit­ar­fé­lög­unum á höf­uð­borg­ar­svæð­inu og á Akureyri. Í ljós kom að Akureyri sker sig algjör­lega úr í þessum efnum. Alls eru 8,7 pró­sent allra íbúða á Akureyri í eigu ein­stak­linga sem búa ann­ars staðar og 7,9 pró­sent allra íbúða eru í eigu lög­að­ila sem eru …