Stundum veltir fólk fyrir sér hvort réttmætt sé að njóta listaverks ef listamaðurinn hefur eða er grunaður um að hafa misboðið siðferðiskennd almennings. Sem dæmi má nefna bíómyndir Roman Polanski og Woody Allen sem báðir hafa verið ásakaðir um að brjóta kynferðislega á ungum manneskjum. Eins er skemmst að minnast þess að Björk sakaði leikstjóra, sýnilega Lars von Trier, um atvik sem lýstu kynferðislegri áreitni.  Nærtækara er kannski að nefna vinsæla tónlistarmenn á Íslandi. Stutt er síðan umræða um Megas blossaði upp eftir frásögn Bergþóru Einarsdóttur og Auðunn Lúthersson (Auður) og Ingó Veðurguð hafa verið ásakaðir um kynferðislega áreitni og brot – en það hefur litað umræðu um verk þeirra. Á sama tíma seldist upp á ferna tónleika Ingós um liðna helgi.

Síðustu árin hafa spurningar á borð við þessar vaknaði: Getum við notið listar listamanna sem sýnt er að hafi brotið á öðrum án þess að velta því fyrir …